ଥିରୁଅନନ୍ତପୁରମ: କେରଳରେ ବନ୍ୟା ବିଭୀଷିକା । ଗତବର୍ଷ ବନ୍ୟାରେ ପରିଜନଙ୍କୁ ହରାଇଥିବା ଦୁଃଖ ଲୋକଙ୍କ ମନରୁ ନଲିଭୁଣୁ, ଏବେ ବୋଝ ଉପରେ ନଳିତା ବିଡା ସାଜିଛି ଚଳିତ ବନ୍ୟା । ବନ୍ୟାଞ୍ଚଳରେ ଏବେ ବି ଜଳବନ୍ଦୀ ହୋଇ ରହିଛନ୍ତି ଅନେକ ଲୋକ । ପାଲକ୍କଡ ଆଗଲୀ ଅଞ୍ଚଳରେ ବନ୍ୟା ଜଳରେ ଫଶିଥିବା ଗର୍ଭବତୀଙ୍କ ପାଇଁ ଦେବଦୂତ ସାଜିଛନ୍ତି ଏନଡିଆରଏଫ ଟିମ ।
ରଶି ସାହାଯ୍ୟରେ ଗର୍ଭବତୀଙ୍କୁ ଉଦ୍ଧାର କରିଛନ୍ତି ଉଦ୍ଧାରକାରୀ ଦଳ । ଅନେକ ଚେଷ୍ଟା ପରେ ଖୁବ ସତର୍କତାର ସହ ଟିମ ଗର୍ଭବତୀଙ୍କୁ ବନ୍ୟାଜଳରୁ ବାହାରକୁ ଆଣିଛନ୍ତି ।
ରାଜ୍ୟରେ ବନ୍ୟାରେ ବର୍ତ୍ତମାନ ସୁଦ୍ଧା ମୃତ୍ୟୁ ସଂଖ୍ୟା 43ରେ ପହଞ୍ଚିଛି । ଉଦ୍ଧାର କାର୍ଯ୍ୟ ପାଇଁ 13ଟି ଏନଡିଆରଏଫ ଟିମ ସହ 180 ନୌସେନା ଅଧିକାରୀ ରାଜ୍ୟରେ ପହଁଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।