ହାଇଦ୍ରାବାଦ: ସମଗ୍ର ବିଶ୍ବରେ ସ୍ବାସ୍ଥ୍ୟ କର୍ମୀମାନେ ମହାମାରୀ କୋରୋନା ବିରୋଧରେ ଲଢେଇ କରୁଥିବାବେଳେ ଅଧ୍ୟୟନରୁ ଜଣାପଡିଛି କେରଳର ନର୍ସମାନେ ମହାମାରୀର ମୁକାବିଲା କରିବାରେ ମୁଖ୍ୟ ଭୂମିକା ଗ୍ରହଣ କରୁଛନ୍ତି।
ବିଶ୍ବ ସ୍ବାସ୍ଥ୍ୟ ସଂଗଠନ (WHO) ରିପୋର୍ଟରେ ଦର୍ଶାଯାଇଛି ଯେ ବିଶ୍ବରେ କାର୍ଯ୍ୟ କରୁଥିବା ଅଧିକାଂଶ ନର୍ସ ଭାରତର ଏବଂ ଏହି ତାଲିକାରେ କେରଳ ରାଜ୍ୟ ଶୀର୍ଷରେ ରହିଛି । କେରଳ ରାଜ୍ୟରୁ ସ୍ନାତକ ହାସଲ କରିଥିବା ସ୍ବାସ୍ଥ୍ୟ କର୍ମଚାରୀଙ୍କ ମଧ୍ୟରୁ ପ୍ରାୟ 30% ନର୍ସ ଯୁକ୍ତରାଷ୍ଟ୍ରରେ, 15% ବ୍ରିଟେନ ଏବଂ ଅଷ୍ଟ୍ରେଲିଆରେ ଏବଂ ମଧ୍ୟ ପୂର୍ବରେ 12% କାର୍ଯ୍ୟ କରନ୍ତି ।
ବ୍ରିଟିଶ ସଂସଦର ପୂର୍ବତନ ସଦସ୍ୟ ଆନ୍ନା ସୋବ୍ରି ନିଜ ଦେଶର ସ୍ବାସ୍ଥ୍ୟ ସେବାରେ କେରଳ ନର୍ସମାନଙ୍କ ଦ୍ବାରା ଦିଆଯାଉଥିବା ସେବାକୁ ପ୍ରଶଂସା କରିଛନ୍ତି । ଆମ ଦେଶରେ କାର୍ଯ୍ୟ କରୁଥିବା ବିଦେଶୀ ନର୍ସମାନଙ୍କ ସହ ଆମର କୌଣସି ଅସୁବିଧା ନାହିଁ । ବାସ୍ତବରେ ଭାରତୀୟ ନର୍ସମାନେ, ବିଶେଷ କରି ଯେଉଁମାନେ କେରଳରୁ ଆସିଛନ୍ତି ସେମାନେ ବହୁତ ଉତ୍ସାହ, ମାନବିକତା ଏବଂ ସେବା ଆଭିମୁଖ୍ୟ ନେଇ ଆସନ୍ତି ଏବଂ ଆମକୁ ସେମାନଙ୍କଠାରୁ ବହୁତ କିଛି ଶିଖିବାରେ ସାହାଯ୍ୟ କରନ୍ତି ।
କୋରୋନା ଭାଇରସ ସମଗ୍ର ବିଶ୍ବରେ ବିପଦ ସୃଷ୍ଟି କରିଛି । କେରଳର ନର୍ସମାନେ ଏହି ମହାମାରୀ ବିରୋଧରେ ଲଢେଇରେ ଆଗରେ ରହି ନିଜ ଜୀବନକୁ ବିପଦରେ ପକାଉଛନ୍ତି । ସେମାନଙ୍କର କାର୍ଯ୍ୟ ପ୍ରଶଂସନୀୟ, ଏବଂ ସେମାନେ ଆମର ସମସ୍ତ ପ୍ରଶଂସା ପାଇବାକୁ ଯୋଗ୍ୟ |
ବ୍ୟୁରୋ ରିପୋର୍ଟ, ଇଟିଭି ଭାରତ
