ଯୋଦ୍ଧପୁର: ରାଜନୀତି ମୈଦାନରେ ମୁଖ୍ୟମନ୍ତ୍ରୀ ଭାବେ ତୃତୀୟ ଇନିଂସ ଆରମ୍ଭ କଲେ କେଜ୍ରିୱାଲ। ରାମଲୀଳା ମୈଦାନରେ ଏହି ଶପଥ ଗ୍ରହଣ ସମୟରେ ଖଚାଖଚ ଲୋକଙ୍କ ଭିଡ ହୋଇଥିବା ବେଳେ କେଜ୍ରିୱାଲଙ୍କ ଲୋକପ୍ରିୟତା ମଧ୍ୟ ବଢିଯାଇଛି। ତେବେ ଆପର ଏହି ବେପାରୀ ମୁଣ୍ଡର କମାଲ ଏତେ ବଢିଯାଇଛି ଯେ 5 ଦିନ ତଳେ ବିବାହ କରିଥିବା ଜଣେ ବର ନିଜ ବିବାହ କାର୍ଡରେ ଲଭ କେଜ୍ରିୱାଲ ଲେଖିଛନ୍ତି।
ଏହି ନବବିବାହିତ ଯୁବକ ଜଣକ ହେଲେ ନିଲେସ । ସେ ଯୋଦ୍ଧପୁର ବାଲେଶ୍ବର ଅଞ୍ଚଳର। ନିଲେଶ ଏକ ବେସରକାରୀ ହସ୍ପିଟାଲରେ କର୍ମଚାରୀ ଭାବେ କାର୍ଯ୍ୟ କରନ୍ତି। ତେବେ ଦିଲ୍ଲୀ ମୁଖ୍ୟମନ୍ତ୍ରୀଙ୍କ ଏହି ବଡ ସମର୍ଥକ ଜଣକ ଫେବୃୟାରୀ 21ରେ ବିବାହ କରିଥିବା ବେଳେ ତାଙ୍କ ବିବାହ କାର୍ଡରେ ସେ ଏପରି ଲଭ କେଜ୍ରିୱାଲ ଡିଜାଇନ କରିଥିବା କହିଛନ୍ତି।
ନିଜ ପାଗଳାମୀ ବଖାଣିବାକୁ ଯାଇ ନିଲେଶ କହିଛନ୍ତି, ଆନ୍ନା ହଜାରେଙ୍କ ଆନ୍ଦୋଳନରେ ସାମିଲ ହେବା ସହ କେଜ୍ରିୱାଲଙ୍କୁ ସେ ବହୁତ ସମର୍ଥନ କରନ୍ତି। ଏହାସହ ଦ୍ବିତୀୟ ପାଳିରେ ଦିଲ୍ଲୀର ମୁଖ୍ୟମନ୍ତ୍ରୀ ଭାବେ କେଜ୍ରିୱାଲ ଦାୟିତ୍ବ ନେବା ପରେ ତାଙ୍କ କାମ ହିଁ ଦିଲ୍ଲୀକୁ ଆଗକୁ ନେବା ସହ ଏବେ ଦିଲ୍ଲୀବାସୀଙ୍କ ଦିଲରେ ସେ ରାଜ୍ କରୁଛନ୍ତି।
ଏହାସହ ଟିକେ ଦୁଃଖ ବି ଲାଗୁଛି କି ଆପ୍ ଚଳିତ ନିର୍ବାଚନରେ ଦିଲ୍ଲୀର 70 ବିଧାନସଭା ଆସନକୁ କବଜ୍ଜା କରି ପାରିଲା ନାହିଁ। ଏହାସହ କେଜ୍ରିୱାଲ ହେଉଛନ୍ତି ଦେଶର ଭବିଷ୍ୟତ ପ୍ରଧାନମନ୍ତ୍ରୀ। ବର୍ତ୍ତମାନ ପର୍ଯ୍ୟନ୍ତ ଯୁବକ ଜଣକ କେଜ୍ରିୱାଲଙ୍କୁ ଭେଟି ନଥିବା ବେଳେ ହୋଲି ପରେ ସେ କେଜ୍ରିୱାଲଙ୍କୁ ଭେଟିବାର ଯୋଜନା ରଖିଛନ୍ତି। ଏପରିକି ନିଲେଶଙ୍କ ସାଙ୍ଗସାଥୀମାନେ ତାଙ୍କୁ କେଜ୍ରିୱାଲ ବୋଲି ଡାକିଥାନ୍ତି।
