ନୂଆଦିଲ୍ଲୀ: ହଷ୍ଟେଲ ଫିସ୍ ବୃଦ୍ଧିକୁ ନେଇ ଦୀର୍ଘ ମାସେ ହେବ ଜବାହାରଲାଲ୍ ନେହେରୁ ବିଶ୍ବବିଦ୍ୟାଳୟର ଛାତ୍ର ଆନ୍ଦୋଳନ କରୁଛନ୍ତି । ସୋମବାର ଜେଏନୟୁ ଛାତ୍ର ସଂଘ ପକ୍ଷରୁ ବ୍ୟାନର ଧରି ରାଷ୍ଟ୍ରପତି ଭବନ ଯାଏଁ ପଦଯାତ୍ରା କରିଥିଲେ ଛାତ୍ର । କିନ୍ତୁ ସେହି ସମୟରେ ପୋଲିସ ସହ ଗଣ୍ଡଗୋଳ ହୋଇଥିଲା । ଫଳରେ ଆନ୍ଦୋଳନକାରୀଙ୍କ ଉପରେ ପୋଲିସ ଲାଠିଚାର୍ଜ କରିଛି ।
ଆନ୍ଦୋଳନକାରୀଙ୍କ ଉପରକୁ ପୋଲିସର ଲାଠିଚାର୍ଜ
ଆନ୍ଦୋଳନକୁ ଦୃଷ୍ଟିରେ ରଖି ଜେଏନୟୁର ସମସ୍ତ ଗେଟରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା । ଅନ୍ୟପକ୍ଷେ ବାବା ଗଙ୍ଗନାଥ ରୋଡକୁ ଟ୍ରାଫିକ୍ ପାଇଁ ସମ୍ପୂର୍ଣ୍ଣ ବନ୍ଦ କରାଯାଇଛି । ତେବେ ଏହା ପୂର୍ବରୁ ଛାତ୍ରଛାତ୍ରୀମାନେ ସଂସଦ ଘେରାଉ କରିବାକୁ ପ୍ରୟାସ କରିଥିଲେ । ଏହି ସମୟରେ ଛାତ୍ରଛାତ୍ରୀଙ୍କୁ ଅଟକାଇବା ପାଇଁ ବହୁ ସଂଖ୍ୟାରେ ପୋଲିସ ମୁତୟନଥିଲେ । କିନ୍ତୁ 5ଟି ବ୍ୟାରିକେଟ ଭାଙ୍ଗି ଶେଷରେ ସଫଦରଜଙ୍ଗ ପର୍ଯ୍ୟନ୍ତ ପହଞ୍ଚିପାରିଥିଲେ ଆନ୍ଦୋଳନକାରୀ ।
