ହାଇଦ୍ରାବାଦ: ତେଲେଙ୍ଗାନାର ସିକନ୍ଦରାବାଦ ସ୍ଥିତ ଉଜୈନୀ ମହାକାଳୀ ମନ୍ଦିରରେ ଆରମ୍ଭ ହୋଇଛି ବୋନାଲୁ ବା ଆଶାଦ ଯାତ୍ରା । ଏହା ତେଲେଙ୍ଗାନାର ବଡ ପର୍ବ ମଧ୍ୟରୁ ଅନ୍ୟତମ । ଏହା ବର୍ଷକେ ଥରେ ଜୁଲାଇ-ଅଗଷ୍ଟ ମାସରେ ଅନୁଷ୍ଠିତ ହୋଇଥାଏ । ତେବେ ଆଜି ସକାଳୁ ରାଜ୍ୟମନ୍ତ୍ରୀ ତଲସାନୀ ଶ୍ରୀନିବାସ ଯାଦବ ଉଜୈନୀ ମହାକାଳୀ ମନ୍ଦିରରେ ମା କାଳୀଙ୍କ ନିକଟରେ ସାଢୀ ଚଢାଇ ଯାତ୍ରାର ଶୁଭାରମ୍ଭ କରିଛନ୍ତି ।
ଭିଡିଓ ସୌଜନ୍ୟ: ଇଟିଭି ଭାରତ, ବ୍ୟୁରୋ
ଆଜି ଏବଂ ଆସନ୍ତା କାଲି ପ୍ରାୟ 4 ଲକ୍ଷ ଭକ୍ତ ଏହି ଯାତ୍ରାରେ ସାମିଲ ହେବେ । ଏନେଇ ହାଇଦ୍ରାବାଦ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ପାଖାପାଖି 2000 ପୋଲିସ ଏଠାରେ ନିୟୋଜିତ ଅଛନ୍ତି ।
ପୌରାଣିକ କଥା ଅନୁଯାୟୀ, ପ୍ରତିବର୍ଷ ମା କାଳୀ ପ୍ରତି ବର୍ଷ ଆଷାଢ ମାସରେ ନିଜ ବାପା ଘରକୁ ଯାଆନ୍ତି । ଏହି ସମୟରେ ଲୋକେ ଉତ୍ସୋବ ମନାନ୍ତି । ଶ୍ରଦ୍ଧା ଏବଂ ଭକ୍ତିର ସହ ମା କାଳୀଙ୍କୁ ସ୍ବାଗତ କରନ୍ତି । ନାଚ-ଗୀତ ସହ ଶାଢୀ, ଚୁଢୀ ଏବଂ ବିଭିନ୍ନ ପ୍ରାକର ଭୋଗ ମା'ଙ୍କ ନିକଟରେ ଅର୍ପଣ କରନ୍ତି ।
