ନୂଆଦିଲ୍ଲୀ: କେନ୍ଦ୍ର ସରକାରଙ୍କ 3 କୃଷି ବିଲକୁ ନେଇ ଦେଶବ୍ୟାପୀ ବିରୋଧଭାଷ ଜାରି ରହିଛି । ଏହାରି ଭିତରେ ଆଜି ପ୍ରଧାନମନ୍ତ୍ରୀ ଗୁଜୁରାଟର କୃଷକଙ୍କ ପାଇଁ ନୂଆ ଭେଟି ଦେବାକୁ ଯାଉଛନ୍ତି । ଭିଡିଓ କନଫରେନ୍ସି ମାଧ୍ୟମରେ ଘୋଷଣା କରିବେ ମୋଦି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଗୁଜୁରାଟରେ 3ଟି ପ୍ରକଳ୍ପ ସହ ‘କିଶାନ ସୂର୍ଯ୍ୟୋଦୟ ଯୋଜନା’ ର ଉଦଘାଟନ କରିବେ । କୃଷକଙ୍କୁ ଜଳସଚେନର ସୁବିଧା ଯୋଗାଇବାକୁ ଦିନ ସମୟରେ ବିଜୁଳି ଯୋଗାଇବାକୁ ଗୁଜୁରାଟ ମୁଖ୍ୟମନ୍ତ୍ରୀ ବିଜୟ ରୂପାଣୀ କିଶାନ ସୂର୍ଯୋଦୟ ଯୋଜନା ଯୋଜନା ଘୋଷଣା କରିଥିଲେ । ଏହି ଯୋଜନା ଦ୍ବାରା ସକାଳ 5ଟାରୁ ରାତି 9 ଟା ସୁଦ୍ଧା ବିଦ୍ୟୁତ ସେବା ଯୋଗାଇ ଦିଆଯିବ । ଏହି ଯୋଜନା ପାଇଁ ସରକାରଙ୍କ ପକ୍ଷରୁ 3500 କୋଟି ଟଙ୍କାର ବ୍ୟୟ କରାଯାଇଛି । ବର୍ଷ 2023 ସୁଦ୍ଧା ଏହାକୁ କାର୍ଯ୍ୟକାରୀ କରିବାକୁ ଲକ୍ଷ୍ୟ ରଖାଯାଇଛି ।
ୟୁଏନ ମେହେଟା ଇନଷ୍ଟିଚ୍ୟୁଟ୍ ଅଫ୍ ହାର୍ଟ ଏବଂ ରିସର୍ଚ୍ଚ ସେଣ୍ଟର ଏବଂ ଅହମ୍ମଦାବାଦର ଅହମ୍ମଦାବାଦ ସିଭିଲ୍ ହସ୍ପିଟାଲରେ ଏକ ମୋବାଇଲ୍ ଆପ୍ଲିକେସନ୍ ଟେଲି କାର୍ଡିଓଲୋଜି ସହିତ ସଂଯୁକ୍ତ ଶିଶୁ ହାର୍ଟ ହସ୍ପିଟାଲ୍ ପ୍ରଧାନମନ୍ତ୍ରୀ ଉଦଘାଟନ କରିବେ ।
ଗିର୍ନାର ରୋପୱେ ମଧ୍ୟ ଲଞ୍ଚ କରିବେ ପିଏମ । ଯେଉଁଥିରେ ପ୍ରାରମ୍ଭରେ 25-30 କ୍ୟାବିନ ରହିବ, ପ୍ରତ୍ୟେକ କ୍ୟାବିନରେ 8 ଜଣଙ୍କର କ୍ଷମତା ରହିବ । 2.3 କିଲୋମିଟର ଦୂରତା ବର୍ତ୍ତମାନ ରୋପୱେ ଦେଇ ମାତ୍ର 7.5 ମିନିଟରେ ଲାଗିବ । ରୋପୱେ ଗିର୍ନାର ପର୍ବତକୁ ଘେରି ରହିଥିବା ସବୁଜ ସୌନ୍ଦର୍ଯ୍ୟର ଏକ ଦୃଶ୍ୟ ମଧ୍ୟ ପ୍ରଦାନ କରିବ ।
@ANI
