ନୂଆଦିଲ୍ଲୀ: ଭାରତ ଗସ୍ତରେ ଅଛନ୍ତି ବାଂଲାଦେଶ ପ୍ରଧାନମନ୍ତ୍ରୀ ଶେଖ୍ ହସିନା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ବାଂଲାଦେଶ ପ୍ରଧାନମନ୍ତ୍ରୀ ଶେଖ୍ ହସିନା ଙ୍କ ମଧ୍ୟରେ ରୋହିଙ୍ଗ୍ୟା ଶରଣାର୍ଥୀ ସମ୍ପର୍କରେ ହୋଇଛି ଆଲୋଚନା । ଏହି ଅବସରରେ ମୋଦି କହିଛନ୍ତି, ଆମକୁ ଏବେ ରୋହିଙ୍ଗ୍ୟାଙ୍କୁ ବୁଝାଇବାକୁ ପଡ଼ିବ ଯେ ଦୀର୍ଘ ଦିନ ଧରି କୌଣସି ଦେଶର ଅଧିବାସୀ ଅନ୍ୟ ଦେଶରେ ରହିପାରିବେ ନାହିଁ ବୋଲି କହିଛନ୍ତି ମୋଦି ।
ଭାରତ ଅଦ୍ୟାବିଧି ରୋହିଙ୍ଗ୍ୟା ଶରଣାର୍ଥୀଙ୍କ ପାଇଁ 120 କୋଟି ଟଙ୍କା ଖର୍ଚ୍ଚ କରିସାରିଛି । ସାମାଜିକ ଓ ଆର୍ଥିକ ସ୍ଥିତିର ବିକାଶ କରିବା ପାଇଁ ଭାରତ ଏହି ଅନୁଦାନ ପ୍ରଦାନ କରିଛି ବୋଲି ମଧ୍ୟ ଉଲ୍ଲେଖ କରିଛନ୍ତି ପ୍ରଧାନମନ୍ତ୍ରୀ । ଏହା ସହିତ ରୋହିଙ୍ଗ୍ୟାଙ୍କ ପାଇଁ ବାଂଲାଦେଶ ପକ୍ଷରୁ କରାଯାଉଥିବା ପ୍ରୟାସକୁ ପ୍ରଧାନମନ୍ତ୍ରୀ ମୋଦି ପ୍ରଶଂସା କରିଛନ୍ତି ।
ମିଆଁମାର ଫେରିଯିବା ପାଇଁ ଏବେ ଶରଣାର୍ଥୀଙ୍କୁ ବୁଝାଇବାକୁ ପଡ଼ିବ । ସେମାନଙ୍କ ହିତ ଦୃଷ୍ଟିରୁ ନିଜ ଦେଶକୁ ଫେରିଯିବା ଭଲ ବୋଲି ମୋଦି କହିଛନ୍ତି । ସେହିପରି ବାଂଲାଦେଶ ପକ୍ଷରୁ ରୋହିଙ୍ଗ୍ୟା ଶରଣାର୍ଥୀଙ୍କୁ ଫେରିଯିବା ପାଇଁ ଉଦ୍ୟମ ଆରମ୍ଭ ହୋଇଥିବା କହିଛନ୍ତି ବାଂଲାଦେଶର ପ୍ରଧାନମନ୍ତ୍ରୀ ଶେଖ ହସିନା ।
