ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଫୋନ ଯୋଗେ ବାର୍ତ୍ତାଳାପ କରିଛନ୍ତି । ଦୁଇ ରାଷ୍ଟ୍ର ନେତାଙ୍କ ମଧ୍ୟରେ ସେମାନଙ୍କ ମଧ୍ୟରେ ଜି -7 ଶିଖର ସମ୍ମିଳନୀର ଅଧ୍ୟକ୍ଷତା ଉପରେ ଆଲୋଚନା ହୋଇଥିଲା । ଆମେରିକାରେ ଅନୁଷ୍ଠିତ ହେବାକୁ ଥିବା ଜି-7 ସମ୍ମିଳନୀ ପାଇଁ ଡୋନାଲ୍ଡ ଟ୍ରମ୍ପ ପ୍ରଧାନମନ୍ତ୍ରୀ ମୋଦିଙ୍କୁ ଆମନ୍ତ୍ରଣ କରିଛନ୍ତି । ଏହା ବ୍ୟତୀତ ଅନେକ ପ୍ରସଙ୍ଗରେ ଆଲୋଚନା କରିଛନ୍ତି ରାଷ୍ଟ୍ରପତି ଟ୍ରମ୍ପ ଓ ପ୍ରଧାନମନ୍ତ୍ରୀ ମୋଦି ।
କୋରୋନା ମୁକାବିଲା ନେଇ ପାରସ୍ପରିକ ସହଯୋଗ ଉପରେ ଦୁଇ ନେତାଙ୍କ ମଧ୍ୟରେ ଆଲୋଚନା ହୋଇଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏନେଇ ଟ୍ବିଟ କରି ସୂଚନା ଦେଇଛନ୍ତି । ଜି -7 ରେ ଅଧିକ ଦେଶ ଅନ୍ତର୍ଭୁକ୍ତ କରିବାକୁ ଆମେରିକା ରାଷ୍ଟ୍ରପତି ମଧ୍ୟ ପ୍ରଧାନମନ୍ତ୍ରୀ ମୋଦିଙ୍କ ସହ କଥା ହୋଇଥିଲେ । ପ୍ରଧାନମନ୍ତ୍ରୀ ମୋଦି ଏହା ମଧ୍ୟ କହିଛନ୍ତି ଯେ କୋରୋନା ପରବର୍ତ୍ତୀ ସମୟରେ ଏଭଳି ଏକ ଶକ୍ତିଶାଳୀ ସଂଗଠନ ଆବଶ୍ୟକ । ସେ କହିଛନ୍ତି ଯେ ଏହି ସମ୍ମିଳନୀର ସଫଳତା ପାଇଁ ଆମେରିକା ଏବଂ ଅନ୍ୟ ଦେଶମାନଙ୍କ ସହ ଘନିଷ୍ଠ ଭାବରେ କାର୍ଯ୍ୟ କରିବା ଅତ୍ୟନ୍ତ ଖୁସି ଖବର ।
ଆମେରିକାରେ ଚାଲିଥିବା ବିରୋଧ ଏବଂ ହିଂସା ସମ୍ପର୍କରେ ପ୍ରଧାନମନ୍ତ୍ରୀ ମୋଦି ଟ୍ରମ୍ପଙ୍କ ସହ କଥା ହୋଇଛନ୍ତି ଏହାସହ ପୂର୍ବ ଲଦାଖରେ ଚୀନ୍-ଭାରତ ସୀମା ବିବାଦ ଉପରେ ମଧ୍ୟ ଉଭୟ କଥା ହୋଇଛନ୍ତି । ଏହା ବାଦ ବିଶ୍ବ ସ୍ବାସ୍ଥ୍ୟ ସଂଗଠନ ବିଷୟରେ ମଧ୍ୟ ଦୁଇ ରାଷ୍ଟ୍ରନେତା ଆଲୋଚନା କରିଛନ୍ତି ।
