ଜୟପୁର: ଲୋକସଭା ନିର୍ବାଚନରେ କଂଗ୍ରେସର ଶୋଚନୀୟ ପରାଜୟ ପରେ ରାଜସ୍ଥାନ କଂଗ୍ରେସରେ ସୃଷ୍ଟି ହୋଇଛି କନ୍ଦୋଳ । ପରାଜୟକୁ ନେଇ ପରସ୍ପର ଉପରେ ଦୋଷ ଲଦୁଛନ୍ତି ଦଳର ହେଭିୱେଟ ନେତାମାନେ । ତେବେ ଏହି ବିବାଦ ଏବେ ଏତେ ମାତ୍ରାରେ ବଢିଯାଇଛି ଯେ କଂଗ୍ରେସ ପିସିସି ସଭାପତି ତଥା ଉପମୁଖ୍ୟମନ୍ତ୍ରୀ ସଚିନ ପାଇଲଟଙ୍କ ଉପରେ ପରାଜୟର ସମସ୍ତ ଦୋଷ ଦେଇଛନ୍ତି ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ।
ସେ ତାଙ୍କ ପୁଅ ବୈଭବ ଗେହଲଟଙ୍କ ପରାଜୟ ପାଇଁ ସଚିନ ପାଇଲଟଙ୍କୁ ଦାୟୀ କରିଛନ୍ତି । ତାଙ୍କ ପୁଅ ଯୋଧପୁରରୁ ଲଢିବା ନେଇ ସଚିନ ପରାମର୍ଶ ଦେଇଥିଲେ । ତେଣୁ ବୈଭବଙ୍କ ପରାଜୟର ଭାର ସଚିନ ନିଜ ମୁଣ୍ଡ ଉପରକୁ ନେବା ଉଚିତ୍ ବୋଲି ଏକ ଗଣମାଧ୍ୟମ ସାକ୍ଷାତକାରରେ କହିଛନ୍ତି ଅଶୋକ । ସେପଟେ ଅଶୋକଙ୍କ ଏଭଳି ମନ୍ତବ୍ୟରେ ଆଶ୍ଚର୍ଯ୍ୟ ପ୍ରକାଶ କରିଛନ୍ତି ସଚିନ ।
ସୂଚନା ଯୋଗ୍ୟ ଯେ, ଅଶୋକ ଗେହଲଟଙ୍କୁ ପୁଅ ବୈଭବ ଗେହଲଟ ଯୋଧପୁର ଆସନରୁ ଲଢିଥିଲେ । କିନ୍ତୁ ବିଜେପିର ଗଜେନ୍ଦ୍ର ସିଂହ ଶେଖାୱତ ତାଙ୍କୁ 19000 ଭୋଟରେ ହରାଇଥିଲେ ।
