ଥିରୁବନନ୍ତପୁରମ : ସାରା ବିଶ୍ବରେ କାୟା ବିସ୍ତାର କରିଛି କୋରୋନା । ଭାରତରେ ମୃତ୍ୟୁ ସଂଖ୍ୟା 50 ଟପିଥିବା ବେଳେ ଆକ୍ରାନ୍ତଙ୍କ ସଖ୍ୟା ପାଖାପାଖି 3 ହଜାର । କ୍ରମାଗତ ଭାବେ ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବଢିବା ସହ କିଛି ଆକ୍ରାନ୍ତ ଚିକିତ୍ସିତ ହୋଇ ଫେରୁଥିବା ଖବର ସାମ୍ନାକୁ ଆସୁଛି। ଏଭଳି ସ୍ଥିତିରେ ଜଣେ ପ୍ରଫେସର ଡକ୍ଟର ଏଭି .ପ୍ରଦୀପ ଏକ ଭେଣ୍ଟିଲେଟର ତିଆରି କରିଛନ୍ତି । ଯାହା କୋରୋନା ରୋଗୀଙ୍କ ପାଇଁ ବେଶ ଉପଯୋଗୀ ହେବ । କମ ଖର୍ଚ୍ଚରେ ସେ ପ୍ରସ୍ତୁତ କରିଥିବା ଏହି ଯନ୍ତ୍ରକୁ ମାନୁଆଲ୍ ରିସ୍ୟୁସିଟେଟର୍ କୁହାଯାଏ।
କୋରୋନା ଆକ୍ରାନ୍ତଙ୍କ ସଖ୍ୟା ବଢୁଥିବାରୁ ମେଡିକାଲରେ ଆବଶ୍ୟକ ପରିମାଣର ଭେଣ୍ଟିଲେଟର ଯୋଗାଇବା ସମ୍ଭବ ହୋଇ ପାରୁନାହିଁ। ସେ ପ୍ରସ୍ତୁତ କରିଥିବା ଭେଣ୍ଟିଲେଟରର ମୂଲ୍ୟ 3000 ଟଙ୍କା । ଯାହାକୁ ସବୁ ବର୍ଗର ଲୋକେ କ୍ରୟ କରିପାରିବେ । ମେଡିକାଲ ଗୁଡିକରେ ଭେଣ୍ଟିଲେଟର ଅଭାବକୁ ଏହା ଦୂର କରିବ ବୋଲି ସେ ଆଶାବାଦୀ ।
ପ୍ରଦୀପ ବାଙ୍ଗାଲୋରର ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ସାଇନ୍ସରେ 5 ବର୍ଷ ଧରି ଗବେଷଣା କରିଛନ୍ତି। ତାଙ୍କର ଅନୁସନ୍ଧାନ ସମୟରେ, ସେ ଏହିପରି ଅନେକ ମେସିନ୍ ତିଆରି କରିଥିବା ଜଣା ପଡିଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
