ନୂଆଦିଲ୍ଲୀ: ଲଗାତାର ଭାବରେ ବଢି ଚାଲିଛି ତୈଳ ଦର । 11 ଥର ପାଇଁ ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଛି । ଦିଲ୍ଲୀରେ ପେଟ୍ରୋଲ 55 ପଇସା ମହଙ୍ଗା ହୋଇଥିବାବେଳେ ଡିଜେଲ 69 ପଇସାକୁ ବୃଦ୍ଧି ପାଇଛି ।
ଦର ବୃଦ୍ଧି ପରେ ଏବେ ଦିଲ୍ଲୀରେ ପେଟ୍ରୋଲ ଲିଟର ପିଛା 77.28 ଟଙ୍କା ଥିବା ବେଳେ ଡିଜେଲର ମୂଲ୍ୟ 75.79 ଟଙ୍କାକୁ ବୃଦ୍ଧି ପାଇଛି ।
ତୈଳ ଦରରେ ଲାଗୁନି ଲଗାମ । ଗତକାଲି ବା ମଙ୍ଗଳବାର ପେଟ୍ରୋଲ 47 ପଇସା ଓ ଡିଜେଲ 57 ପଇସାକୁ ବୃଦ୍ଧି ପାଇଥିବାବେଳେ ଆଜି ପୁଣି ତୈଳ ଦର ବୃଦ୍ଧି ହୋଇଛି । ଚଳିତ ମାସ ତୈଳ ଦର 6 ରୁ ଊର୍ଦ୍ଧ୍ବ ଟଙ୍କା ବୃଦ୍ଧି ପାଇଛି । ସେପଟେ ଏପରି ଲଗାତାର ବୃଦ୍ଧି ହେତୁ ସରକାରଙ୍କୁ ଘେରିଛନ୍ତି ବିରୋଧୀ ଦଳ ।
