ନୂଆଦିଲ୍ଲୀ: ଲକଡାଉନରେ ସମସ୍ତ ଧାର୍ମିକ ସ୍ଥଳୀ ବନ୍ଦ ରହିଛି । ଆଉ ଏହାରି ଭିତରେ ଅନେକ ପୂଜାପର୍ବରେ ଲୋକେ ନିଜ ଭଗବାନଙ୍କ ଦର୍ଶନ କରିବାରେ ବଞ୍ଚିତ ରହୁଛନ୍ତି । ଏପରିସ୍ଥଳରେ ଏବେ ରମଜାନ ଆରମ୍ଭ ହୋଇଯାଇଛି । କେନ୍ଦ୍ର ସରକାର ରମଜାନରେ ଘରେ ରହି ପ୍ରାର୍ଥନା କରିବାକୁ ନିର୍ଦ୍ଦେଶ ଦେଇଛନ୍ତି । ଫଳରେ ଘରେ ରହି ନିଜ ପରିବାର ସହ ଲୋକେ ନମାଜ ପାଠ କରିଥିବା ଦେଖିବାକୁ ମିଳିଛି ।
ଦେଶର ସବୁଠାରୁ ବଡ ମସଜିତ ଦିଲ୍ଲୀ ଜାମା ମସଜିତ, ଯେଉଁଠି ଶୁକ୍ରବାର ଲୋକଙ୍କ ଗହଳି ଚହଳି ଦେଖିବାକୁ ମିଳିଥାଏ । କିନ୍ତୁ ରମଜାନ ମାସ ଚାଲିଥିବା ସତ୍ତ୍ବେ ବି ଏଠାରେ ଗତକାଲିର ଦୃଶ୍ୟ ପୁରା ଖାଁ ଖାଁ ରହିଥିଲା । ଲକଡାଉନ ଯୋଗୁଁ କେହି ଏଠାକୁ ଆସିନଥିବାବେଳେ ଘରେ ରହି ନମାଜ ପାଠ କରିଥିଲେ ।
ମୁସଲମାନ ସମ୍ପ୍ରଦାୟରେ ରମଜାନ ମାସ ଧର୍ମିକ ମାସ ହୋଇଥିବା ବେଳେ ଲୋକେ ଏହାକୁ ଖବୁ ଆଡମ୍ବର ସହ ପାଳିଥାନ୍ତି । ଦିନ ସାରା ଉପବାସ କରି ରାତ୍ରିରେ ବ୍ରତ ଭାଙ୍ଗିଥାନ୍ତି । କିନ୍ତୁ ରମଜାନ ହେତୁ ଏହା ଫିକା ପଡିଯାଇଛି । ପଦାକୁ ବାହାରିବାକୁ ଅଙ୍କୁଶ ଲାଗିଥିବାବେଳେ ମସଜିଦରେ ପ୍ରାର୍ଥନା କରିବାରୁ ମଧ୍ୟ ବଞ୍ଚିତ ହୋଇଛନ୍ତି ଲୋକେ ।
