ନୂଆଦିଲ୍ଲୀ: ପାକିସ୍ତାନ ଆଉଥରେ ଭାରତ ମାଟିରେ ପ୍ରବେଶ କରିବାକୁ ଦୁଃସାହସ କରିବନି । କାର୍ଗିଲ ଯୁଦ୍ଧରେ ପାକିସ୍ତାନ ଭୟଙ୍କର ପରିଣାମ ଭୋଗିଛି । 1999ର ମୁହଁତୋଡ ଜବାବ ପରେ ପାକିସ୍ତାନ ପୁଣି କିଛି ଏଭଳି କରିପାରିବ ନାହିଁ ବୋଲି କହିଛନ୍ତି ସେନା ମୁଖ୍ୟ ଜେନରାଲ ବିପିନ ରାୱତ ।
ସେ ପୁଣି କହିଛନ୍ତି, ସୀମାରେ ଭାରତୀୟ ସେନାଙ୍କ କଡା ନଜର ରହିଛି । ଗତ ଶୁକ୍ରବାର 'ବିଜୟ' ଅପରେସନର 20ବର୍ଷ ପୂର୍ତ୍ତି ଅବସରରେ ଏଭଳି ମନ୍ତବ୍ୟ ଦେଇଛନ୍ତି ସ୍ଥଳ ସେନା ମୁଖ୍ୟ । ଏମିତି କୌଣସି ସ୍ଥାନ ନାହିଁ ଯେଉଁଠି ଭାରତୀୟ ସେନା ପଇନ୍ତରା ମାରୁନାହିଁ । ଏପରିକି ସମସ୍ତ ଅଞ୍ଚଳରେ ନିୟମିତ ନିରୀକ୍ଷଣ ଓ ପାଟ୍ରୋଲିଂ କରାଯାଉଛି ବୋଲି ରାଓ୍ବତ କହିଛନ୍ତି ।
କ’ଣ ପାକିସ୍ତାନ କାର୍ଗିଲ ପରି ଦୁଃସାହସ କରିପାରିବ ବୋଲି ପ୍ରଶ୍ନର ଉତ୍ତରରେ ସେ କହିଥିଲେ ପାକିସ୍ତାନ 1999ରେ ଭାରତର ପରାକ୍ରମ ଦେଖିଛି । ତେଣୁ ପାକିସ୍ତାନ ଆଗାମୀ ଦିନରେ ଏଭଳି କରିବା ପାଇଁ ସାହସ କରିବ ନାହିଁ ।
