ନୂଆଦିଲ୍ଲୀ: ଶ୍ରୀଲଙ୍କା ରାଷ୍ଟ୍ରପତି ନିର୍ବାଚନରେ ବିଜୟୀ ହୋଇଛନ୍ତି ବିରୋଧି ଦଳ ନେତା ଗୋଟାବାୟା ରାଜପକ୍ଷେ । ଶ୍ରୀଲଙ୍କାର ଶାସକ ଦଳର ପ୍ରତିନିଧି ସଜିତ ପ୍ରେମଦାସଙ୍କୁ ହରାଇଛନ୍ତି । ଏହାପରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶ୍ରୀଲଙ୍କାର ନୂଆ ରାଷ୍ଟ୍ରପତିଙ୍କୁ ଶୁଭେଚ୍ଛା ଜଣାଇଛନ୍ତି।
ପିଏମ ମୋଦି ଟ୍ବିଟ କରି ଗୋଟାବାୟାଙ୍କୁ ଅଭିନନ୍ଦନ ଜଣାଇବା ସହ ଦୁଇ ଦେଶ ମଧ୍ୟରେ ସମ୍ବନ୍ଧ ପୂର୍ବ ଭଳି ସୁଦୃଢ ରହିବ ବୋଲି ଆଶା ବୋଲି ଲେଖିଥିଲେ ମୋଦି। ଶ୍ରୀଲଙ୍କାର ଶାସକ ଦଳର ପ୍ରତିନିଧି ସଜିତ୍ ପ୍ରେମଦାସ ନିଜ ବିଫଳତା ସ୍ବୀକାର କରିଛନ୍ତି ଓ ଗୋଟାବାୟଙ୍କୁ ଅଭିନନ୍ଦନ ଜଣାଇଛନ୍ତି। ଗୋଟାବାୟା ଶ୍ରୀଲଙ୍କାର ସପ୍ତମ ରାଷ୍ଟ୍ରପତି ଭାବେ ଦାୟିତ୍ୱ ଗ୍ରହଣ କରିବେ। ହେଲେ ଏନେଇ କୌଣସି ସରକାରୀ ଘୋଷଣା କରାଯାଇନାହିଁ।
