ହାଇଦ୍ରାବାଦ: ତେଲେଙ୍ଗାନା ସ୍ଥିତ ଉପଲରେ ସଡକ ଦୁର୍ଘଟଣା। ଏଥିରେ ଜଣେ ସ୍କୁଲ ଛାତ୍ରର ମୃତ୍ୟୁ ହୋଇଥିବାବେଳେ ଅନ୍ୟ 6 ଜଣ ଆହାତ ହୋଇଛନ୍ତି । ସମସ୍ତ ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
ଅଟୋକୁ ପିଟିଲା ଟ୍ରକ
ସୂଚନାମୁତାବକ, ମଙ୍ଗଳବାର ସକାଳ ସମୟରେ ଉପଲରେ ଏକ ଅଟୋ ଯାଉଥିବାବେଳେ ତାକୁ ଗୋଟିଏ ଟ୍ରକ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ଜଣେ ସ୍କୁଲ ଛାତ୍ରର ମୃତ୍ୟୁ ହୋଇଛି । ଛାତ୍ର ଜଣକ ହସିବଗୁଡା ସ୍ଥିତ ଏକ ଘରୋଇ ସ୍କୁଲର 7ମ ଶ୍ରେଣୀରେ ପଢୁଥିବା ଜଣାପଡିଛି।
ପୋଲିସର କହିବାନୂଯାୟୀ, ସ୍କୁଲ ଅଭିମୁଖେ ଯାଉଥିବା ଉକ୍ତ ଅଟୋକୁ ଏକ ଟ୍ରକ ଲିଟିଲ ଫ୍ଲାଓ୍ବାର ଜୁନିୟର କଲେଜ ଜଙ୍କସନ ନିକଟରେ ଧକ୍କା ଦେଇଥିଲା । ତେବେ ଘଟଣାର ତଦନ୍ତ ଆରମ୍ଭ କରିଛି ଉପଲ ପୋଲିସ ।
