ନୂଆଦିଲ୍ଲୀ: 2019 ବିଶ୍ବ ବାୟୁ ଗୁଣବତ୍ତା ରିପୋର୍ଟ ଅନୁସାରେ ପ୍ରଦୂଷଣ କ୍ଷେତ୍ରରେ ନୋଏଡା ବିଶ୍ବରେ 6 ନମ୍ବର ସ୍ଥାନରେ ରହିଛି । ସେହିପରି କେବଳ ଭାରତର ସହରକୁ ହିସାବକୁ ନେଲେ ଏହା ତୃତୀୟ ପ୍ରଦୂଷିତ ସହର ବୋଲି ରିପୋର୍ଟ ଦର୍ଶାଇଛି ।
ତେବେ ପ୍ରଦୂଷିତ ସହର ଭିତରେ ଭାରତର 21 ସହର ରହିଛି । ପାଖାପାଖି 4600ରୁ ଅଧିକ ସହରକୁ ନେଇ ଏହା କରାଯାଇଥିବାବେଳେ ଏଥିରେ ନୋଏଡା ପ୍ରଦୂଷଣ କ୍ଷେତ୍ରରେ ବିଶ୍ବରେ 6 ନମ୍ବର ସ୍ଥାନରେ ରହିଛି ।
ଯଦିଓ ଗତ 2 ବର୍ଷ ତୁଳନାରେ ପରିସଂଖ୍ୟାନ ଦୃଷ୍ଟିରୁ ନୋଏଡାର ପ୍ରଦୂଷଣ ମାତ୍ରା କମ ଆସିଥିବା କୁହାଯାଇଛି । ସେପଟେ ସବୁଠୁ ଅଧିକ 30 ପ୍ରଦୂଷିତ ସହର ଭିତରେ ଭାରତର 21 ସହର ରହିଥିବା ରିପୋର୍ଟରେ ଦର୍ଶାଯାଇଛି ।
ଯେଉଁଥିରେ ଗାଜିଆବାଦ, ଦିଲ୍ଲୀ, ଗୁରୁଗ୍ରାମ, ନୋଏଡା, ଗ୍ରେଟର ନୋଏଡା, ବାବଡୀ, ଲକ୍ଷ୍ନୌ, ବୁଲନ୍ଦସହର, ମୁଜାଫରନଗର, ବାଗପତ, ଜିନ୍ଦ, ଫରିଦାବାଦ, କୋଟର, ଭିୱାଡି, ପଲୱାଲ, ପାଟନା, ମୁଜାଫରପୁର, ହିସାର, କୁଟଲେ, ଯୋଧପୁର ଓ ମୋରଦାବାଦ ରହିଛି ।
ଅନ୍ୟପଟେ ବୁଧବାର ନୋଏଡାରେ ଏୟାର କ୍ବାଲିଟି ଇନଡେକ୍ସ 285 ଥିବାବେଳେ ଗ୍ରେଟର ନୋଏଡାରେ 274 ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
