ପାଣାଜୀ: ଗୋଆରେ ଗୁରୁବାର କୌଣସି ନୂଆ ମାମଲା ସାମନାକୁ ଆସିନି । ଏହାସହ ଗତ 13 ଦିନ ହେବ ରାଜ୍ୟରେ ପଜିଟିଭ ସଂଖ୍ୟା ଶୂନ ରହିଛି । ଏବେ ଯାଏଁ ମୋଟ ଆକ୍ରାନ୍ତଙ୍କ ସଂଖ୍ୟା 7 ରହିଛି । ଏମାନଙ୍କ ମଧ୍ୟରୁ 6 ଜଣ ସୁସ୍ଥ ହୋଇଛନ୍ତି ।
ଏନେଇ ରାଜ୍ୟ ସ୍ବାସ୍ଥ୍ୟ ବିଭାଗ ସୂଚନା ଦେଇଛନ୍ତି । ଗୋଆରେ ଏପର୍ଯ୍ୟନ୍ତ ମୋଟ 7ଟି କୋଭିଡ 19 ପଜିଟିଭ କେସ ବାହାରିଥିଲା । ସେଥିରୁ 5 ଜଣ ଆକ୍ରାନ୍ତ ପୂର୍ବରୁ ସୁସ୍ଥ ହୋଇସାରିଥିଲେ । ବୁଧବାର 6 ନମ୍ବର ବ୍ୟକ୍ତି ସୁସ୍ଥ ହୋଇଛନ୍ତି । ଶେଷ ରିପୋର୍ଟ ନେଗେଟିଭ ପରେ ତାଙ୍କର 14 ଦିନିଆ ତତ୍ତ୍ବାବଧାନ ସମୟ ଶେଷ ହୋଇଥିଲା । ଏହାସହ ସେ ଘରକୁ ଫେରିଥିବା ଟ୍ବିଟରରେ ମୁଖ୍ୟମନ୍ତ୍ରୀ ସୂଚନା ଦେଇଥିଲେ ।
ଫଳରେ ଏବେ ରାଜ୍ୟରେ ମାତ୍ର ଜଣେ ଆକ୍ରାନ୍ତ ଅଛନ୍ତି । ଗତ 13 ଦିନରେ ଗୋଆରେ ଗୋଟିଏ ବି ପଜିଟିଭ କେସ ବାହାରିନାହିଁ । ଗତ ଏପ୍ରିଲ 3ରେ ଶେଷ କୋରୋନା ଆକ୍ରାନ୍ତ ବ୍ୟକ୍ତି ସ୍ପଷ୍ଟ ହୋଇଥିଲେ ।
ସୌଜନ୍ୟ@ANI
