ନୂଆଦିଲ୍ଲୀ: ସାବରିମାଳା ମନ୍ଦିର ରିଭ୍ୟୁ ପିଟିସନର ସୋମବାର ହେବ ଶୁଣାଣି । ସୁପ୍ରିମକୋର୍ଟର 9 ଜଣିଆ ଖଣ୍ଡପୀଠ ଏହାର ଶୁଣାଣି କରିବେ । 2018 ମସିହାରେ ସାବରିମାଳାକୁ ନେଇ ସର୍ବୋଚ୍ଚ ନ୍ୟାୟାଳୟ ଦେଇଥିବା ରାୟ ଉପରେ ହୋଇଥିବା ରିଭ୍ୟୁ ପିଟିସନର ଶୁଣାଣି କରିବେ ଏହି ବେଞ୍ଚ ।
ଜାନୁଆରୀ 6 ତାରିଖରେ ଏନେଇ କୋର୍ଟ ନୋଟିସ ଜାରି କରି ଜଣାଇଥିଲେ । ସୂଚନାଥାଉକି, 2018 ମସିହାରେ କେରଳର ସାବରିମାଳା ମନ୍ଦିରରେ ସବୁ ବୟସର ଯୁବତୀ ତଥା ମହିଳାଙ୍କୁ ପ୍ରବେଶ କରିବାକୁ ସୁପ୍ରିମକୋର୍ଟ ରାୟ ପ୍ରକାଶ କରିଥିଲେ । ତେବେ ଏହି ରାୟକୁ ପୁନଃବିଚାର କରିବା ଲାଗି କୋର୍ଟରେ ରିଭ୍ୟୁ ପିଟିସନ ଦାୟର କରାଯାଇଛି ।
ଏହି ରିଭ୍ୟୁ ପିଟିସନର ଶୁଣାଣି ପାଇଁ କୋର୍ଟ 9 ଜଣିଆ ଖଣ୍ଡପୀଠକୁ ଦାୟିତ୍ବ ଦେଇଛି ।
