ଚେନ୍ନାଇ: ତାମିଲନାଡୁର ମଦୁରାଇରେ ଆଇଏସ ସମର୍ଥକ ଥିବା ସୂଚନା ପାଇ ସର୍ଚ୍ଚ ଅପରେସନ କଲା ଜାତୀୟ ତଦନ୍ତକାରୀ ସଂସ୍ଥା(ଏନଆଇଏ) । ସୋସିଆଲ ମିଡିଆ ମାଧ୍ୟମରେ ଆତଙ୍କବାଦୀଙ୍କ ସହ ସମ୍ପର୍କ ରଖିଥିବା ସନ୍ଦେହରେ ତିନୋଟି ସ୍ଥାନରେ ଏନଆଇଏର ଛାନଭିନ୍ ।
ପୂର୍ବରୁ ଜୁନ 12 ଓ ଜୁନ୍ 14 ତାରିଖରେ ଏନଆଇଏ କୋଏମ୍ବଟୋରରୁ ଦୁଇଜଣ ସନ୍ଦିଗ୍ଧଙ୍କୁ ଗିରଫ କରିଥିଲା । ଗିରଫ ହୋଇଥିବା ଦୁଇ ଜଣ ହେଲେ ସେଖ୍ ହିଦାୟଥୁଲ୍ଲା ଓ ମହମ୍ମଦ ଆଜାରୁଦ୍ଦିନ୍ । ତେବେ ସେମାନେ ପରସ୍ପରକୁ ସୋସିଆଲ ମିଡିଆ ମାଧ୍ୟମରେ ଜାଣିଥିବା ଜଣାପଡିଛି ।
ସୂଚନା ଥାଉକି, ମେ 30 ତାରିଖରେ ଏଜେନ୍ସି 6 ଜଣଙ୍କ ନାମରେ ଆତଙ୍କବାଦୀଙ୍କ ସହ ସମ୍ପର୍କରେ ଥିବା ଅଭିଯୋଗରେ ମାମଲା ରୁଜୁ କରିଥିଲା ।
