ହାଇଦ୍ରାବାଦ: କୋରୋନା ସଂକ୍ରମଣ ପାଇଁ ସାରା ବିଶ୍ବରେ ଯାତାୟତ ଉପରେ କଟକଣା ଲାଗିଥିବା ବେଳେ ଭିସା ସେବା ଉପରେ କଟକଣା ଲଗାଇଛି ଆମେରିକା । ଏହି କଟକଣା ମୁତାବକ ପ୍ରତ୍ୟେକ ଭିସାରେ କିଛି ନୂଆ କଟକଣା ଲାଗୁ ହୋଇଛି । ତେବେ ଏହି କଟକଣାରୁ ବାଦ ପଡିନି ଏଫ 1 ଛାତ୍ର ଭିସା । ଯାହାର ଭାରତୀୟ ଛାତ୍ରଙ୍କ ଉପରେ ପଡିଛି ବିଶେଷ ପ୍ରଭାବ ।
ଜାଣନ୍ତୁ କ’ଣ ଏଫ 1 ଛାତ୍ର ଭିସା:
- ମୁଖ୍ୟତଃ ଏଫ 1 ଭିସା ଅନ୍ତର୍ଜାତୀୟ ଛାତ୍ରଙ୍କ ପାଇଁ ଉଦ୍ଦିଷ୍ଟ । ଆମେରିକୀୟ କଲେଜ ବା ୟୁନିଭର୍ସିଟିରେ ଯେଉଁମାନେ ଇଂରାଜୀ ଭାଷାରେ ଅଧ୍ୟୟନ କରିବାକୁ ଇଚ୍ଛୁକ ସେମାନଙ୍କ ପାଇଁ ଏହି ଭିସା ଲାଗୁ କରାଯାଏ ।
- ଏଫ 1 ଭିସା ଥିବା ଛାତ୍ରଛାତ୍ରୀମାନଙ୍କୁ ଫୁଲ ଟାଇମ ଷ୍ଟାଟସ ପାଇଁ ସର୍ବନିମ୍ନ କୋର୍ସ ଗ୍ରହଣ କରିବାକୁ ହୋଇଥାଏ । ସେମାନେ ଆମେରିକାରେ ପଢା ଶେଷ ପରେ ଅତିରିକ୍ତ 60 ଦିନ ପର୍ଯ୍ୟନ୍ତ ରହିପାରିବେ । ନଚେତ୍ ସେମାନେ ଚାହିଁଲେ ଓପିଟି ପ୍ରୋଗ୍ରାମ ଅଧିନରେ ପୁଣି ଏକ ନୂଆ ଅବଦ୍ଧି ପାଇଁ ରହିବାକୁ ଭିସାରେ ଆପ୍ଲାଏ କରିପାରିବେ ।
ଆମେରିକା ଅନଲାଇନଲ କ୍ଲାସ ପାଇଁ ଏହି ଭିସା ନବୀକରଣ କରିବ ନାହିଁ ବୋଲି ଗଣମାଧ୍ୟମରେ ଚାଲିଥିବା ପ୍ରଚାର କେତେ ଦୂର ଯୁକ୍ତିଯୁକ୍ତ:
- ଜୁଲାଇ 7ରେ ଆମେରିକା ଏକ ବିଧିବଦ୍ଧ ଘୋଷଣାରେ କହିଥିଲା କି ଅନଲାଇନ କ୍ଲାସରେ ଫୁଲ ଟାଇମ କୋର୍ସ କରୁଥିବା ଅନ୍ତର୍ଜାତୀୟ ଛାତ୍ରଛାତ୍ରୀମାନଙ୍କ ପାଇଁ ଏହା ଭିସା ନବୀକରଣ କରିବ ନାହିଁ ।
- ଏହି ନୂଆ କଟକଣା ମୁଖ୍ୟତଃ ଏକାଡେମିକ କୋର୍ସ କରୁଥିବା ଏଫ 1 ଛାତ୍ରଛାତ୍ରୀ ଓ ଭୋକେସନ କୋର୍ସୱାର୍କ କରୁଥିବା ଏମ 1 ଛାତ୍ରଛାତ୍ରୀଙ୍କ ପାଇଁ ଲାଗୁ ହେବା ନେଇ ସ୍ପଷ୍ଟ କରାଯାଇଥିଲା ।
ଏଫ 1 ଭିସାରେ କ’ଣ ରହିଛି ନୂତନତ୍ବ:
- ନୂଆ ନିର୍ଦ୍ଦେଶ ମୁତାବକ ଯେଉଁ ଅନ୍ତର୍ଜାତୀୟ ଛାତ୍ରଛାତ୍ରୀମାନେ ଅନଲାଇନ କ୍ଲାସରେ ପାଠ ପଛୁଛନ୍ତି ସେମାନଙ୍କ ଭିସା ନବୀକରଣ କରାଯିବ ନାହିଁ ।
- ଏଫ 1 ଛାତ୍ରଛାତ୍ରୀ ଯେଉଁମାନେ ଏକାଡେମିକ କୋର୍ସ କରୁଛନ୍ତି ଓ ଏମ 1 ଛାତ୍ରଛାତ୍ରୀ ଯେଉଁମାନେ ଭୋକେସନ କୋର୍ସ କରୁଛନ୍ତି ସେମାନଙ୍କ ଉପରେ ତୁରନ୍ତ ଆଇନଗତ କାର୍ଯ୍ୟାନୁଷ୍ଠାନ ନିଆଯାଇପାରେ । ସେମାନଙ୍କ ଇମିଗ୍ରେସନ ପ୍ରକ୍ରିୟା ନେଇ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରେ ଯଦି ସେମାନେ ଆମେରିକା ନଛାଡନ୍ତି । ସେପଟେ ଏଫ 1 ଛାତ୍ରଛାତ୍ରୀମାନେ ଫୁଲ ଟାଇମ ଷ୍ଟାଟସ ବଜାୟ ରଖିବାକୁ ହେଲେ ସର୍ବନିମ୍ନ କୋର୍ସ ଲୋଡ ନେବାକୁ ହେବ ବୋଲି ମଧ୍ୟ କୁହାଯାଇଥିଲା ।
- ସେମାନେ ଚାହିଁଲେ ନିଜ କୋର୍ସ ସରିବା ପରେ 60 ଦିନ ଅତିରିକ୍ତ ସମୟ ଯାଏଁ ରହିପାରିବେ । ଏନେଇ ଭିସା ନବୀକରଣ ପାଇଁ ଛାତ୍ରଛାତ୍ରୀମାନଙ୍କୁ ପୂର୍ବରୁ ଆପ୍ଲାଏ କରିବାକୁ ହେବ ଓ ଏହାକୁ ଅନୁମତି ମଧ୍ୟ ମିଳିବା ଦରକାର ।
ଏହି ନିୟମରେ ପରିବର୍ତ୍ତନ ଭାରତୀୟଙ୍କ ପାଇଁ କାହିଁକି ଚିନ୍ତାର କାରଣ:
ଆମେରିକାରେ ଅଧ୍ୟୟନରତ ଅଧିକାଂଶ ଅନ୍ତର୍ଜାତୀୟ ଛାତ୍ରଛାତ୍ରୀ ଭାରତରୁ ହୋଇଥିବାରୁ ଏହି ନୂଆ ନିୟମ ଭାରତୀୟଙ୍କ ପାଇଁ ଏକ ଚିନ୍ତାର କାରଣ ପାଲଟିଛି ।
2019ରେ ଆମେରିକାରେ ଅଧ୍ୟୟନରତ ଅନ୍ତର୍ଜାତୀୟ ଛାତ୍ରଛାତ୍ରୀଙ୍କ ସଂଖ୍ୟା:
- ଚୀନରୁ 369,548 ଛାତ୍ରଛାତ୍ରୀ
- ଭାରତରୁ 202,014 ଛାତ୍ରଛାତ୍ରୀ
- ଦକ୍ଷିଣ କୋରିଆରୁ 52,250 ଛାତ୍ରଛାତ୍ରୀ
ଚୀନ: 2018ରୁ 2019 ମଧ୍ୟରେ ଅନ୍ତର୍ଜାତୀୟ ଛାତ୍ର ସଂଖ୍ୟା 1.7 ପ୍ରତିଶତ ହ୍ରାସ ପାଇଛି ।
କୋରିଆ: ଆମେରିକାରେ ଅଧ୍ୟୟନରତ ଅନ୍ତର୍ଜାତୀୟ ଛାତ୍ରଛାତ୍ରୀଙ୍କ ମଧ୍ୟରେ 6.5 ପ୍ରତିଶତ କୋରିଆର ହୋଇଥିବା ବେଳେ ବିଗତ କିଛି ବର୍ଷ ହେବ ଏହି ସଂଖ୍ୟା ହ୍ରାସ ପାଇଛି ।
ଭାରତ: ଆମେରିକାରେ ପ୍ରାୟ 3 ପ୍ରତିଶତ ଭାରତୀୟ ଛାତ୍ରଛାତ୍ରୀ ପଢୁଥିବା ଜଣା ପଡିଛି ।
ସିନ୍ଧାନ୍ତ: 2017 ଓ 2018ର ରିପୋର୍ଟ ମୁତାବକ ଆମେରିକାରେ ପଢୁଥିବା ଅନ୍ତର୍ଜାତୀୟ ଛାତ୍ରଛାତ୍ରୀଙ୍କ ମଧ୍ୟରେ ଚୀନ, କୋରିଆ ଓ ଭାରତ ପରି ଦେଶ ସାମିଲ ରହିଛନ୍ତି । ଗୋଟିଏ ପଟେ ଚୀନ ଓ କୋରିଆନ ଦେଶର ଛାତ୍ରଛାତ୍ରୀ ସଂଖ୍ୟା କମିଥିବା ବେଳେ ଭାରତୀୟ ଛାତ୍ରଛାତ୍ରୀଙ୍କ ସଂଖ୍ୟା ବଢୁଥିବା ଦେଖାଯାଇଛି ।
ଆଇସିଇ(ଇମିଗ୍ରେସନ ଓ କଷ୍ଟମ ଏନଫୋର୍ସମେଣ୍ଟ): 7 ଜୁଲାଇରେ ହୋଇଥିବା ଘୋଷଣା ମୁତାବକ ଅଣଇମିଗ୍ରାଣ୍ଟ ଏଫ 1 ଓ ଏମ 1 ଛାତ୍ରଛାତ୍ରୀମାନେ ଯେଉଁମାନେ ଅନଲାଇନ କ୍ଲାସ ଦ୍ବାରା ପଢୁଛନ୍ତି ସେମାନଙ୍କୁ ଫୁଲ ଷ୍ଟାଟସ ବଜାୟ ରଖିବା ପାଇଁ ଅଧିକ ବା ଫୁଲ ଅନଲାଇନ କୋର୍ସ ନେବାର ଆବଶ୍ୟକତା ନାହିଁ ।
କେବଳ କିଛି ନିର୍ଦ୍ଦିଷ୍ଟ ଛାତ୍ରଛାତ୍ରୀ ଯେଉଁମାନେ ହାଉବ୍ରିଡ କୋର୍ସ ପାଇଁ ଏନରୋଲ କରିଛନ୍ତି ଓ ୟୁନିଭର୍ସିଟିମାନେ ସେମାନଙ୍କୁ ଅନଲାଇନ କ୍ଲାସ ଯୋଗାଉଛନ୍ତି ସେମାନଙ୍କୁ ଏହି କଟକଣାରୁ ବାଦ ଦିଆଯାଇଛି ।
ସର୍ତ୍ତ:
- ଯଦି ଭାରତୀୟ ଛାତ୍ରଛାତ୍ରୀମାନେ ଅନଲାଇନ କ୍ଲାସ କରୁଥାଆନ୍ତି ତେବେ ସେମାନଙ୍କୁ ଏଫ 1 ଭିସା ମିଳିବ ନାହିଁ ।
- ଯଦି କୌଣସି ଛାତ୍ର ଏଫ 1 ଭିସା ସହ ପଢା ପାଇଁ ଆମେରିକା ଯିବାକୁ ଇଚ୍ଛୁକ ସେମାନଙ୍କୁ ହାଇବ୍ରିଡ କୋର୍ସ କିମ୍ବା ଅନ-କ୍ୟାମ୍ପସ କୋର୍ସ ମଧ୍ୟରୁ ଗୋଟିଏ ଚୟନ କରିବାକୁ ହେବ ।
ହାଇବ୍ରିଡ କୋର୍ସ:
ଏହି କୋର୍ସରେ ସମସ୍ତ କ୍ଲାସ ଅନଲାଇନ କରାନଯାଏ କିଛି କ୍ଲାସ ଅଫଲାଇନ ମଧ୍ୟ କରାଯିବ ।
ଆମେରିକାରେ ଏଫ 1 ଭିସା ସହ ରହୁଥିବା ଭାରତୀୟ ଛାତ୍ରଛାତ୍ରୀଙ୍କତ ଅସୁବିଧା:
ଏଫ 1 ଭିସା ସହ ଆମେରିକାରେ ରହୁଥିବା ଛାତ୍ରଛାତ୍ରୀମାନଙ୍କୁ ଭାରତ ଫେରିବା ପରେ ସେମାନଙ୍କ ୟୁନିଭର୍ସିଟି ଅନ କ୍ୟାମ୍ପସ କ୍ଲାସ ଯୋଗାଉଛି କି ନାହିଁ ତାହା ଦେଖିବାକୁ ପଡିବ । ଯଦି ନୁହେଁ ତେବେ ସେମାନଙ୍କୁ ଅନ କ୍ୟାମ୍ପସ କ୍ଲାସ ଯୋଗାଉଥିବା ୟୁନିଭର୍ସିଟିକୁ ଟ୍ରାନ୍ସଫର କରିବାକୁ ହେବ ।
ପୂର୍ବରୁ ପ୍ରତିବର୍ଷ ଅନେକ ଛାତ୍ରଛାତ୍ରୀ ଆମେରିକାରେ ପଢିବା ପାଇଁ ଭିସା ଆପ୍ଲାଏ କରୁଥିବା ବେଳେ ଚଳିତବର୍ଷର ମହାମାରୀ ସ୍ଥିତି ଓ ଲାଗୁ ହୋଇଥିବା କଟକଣା ପାଇଁ କମିଛି ଛାତ୍ରଛାତ୍ରୀଙ୍କ ସଂଖ୍ୟା ।
ବିଶେଷ ଟିପ୍ପଣୀ: ଯଦି କୌଣସି ଛାତ୍ରଛାତ୍ରୀ ଏହି ନିୟମକୁ ଉଲଙ୍ଘନ କରନ୍ତି ତେବେ ସେମାନଙ୍କୁ ଜୀବନବ୍ୟାପୀ ଆମେରିକାରେ ବାସନ୍ଦ କରାଯାଇପାରେ ।
ସମାଧାନ:
ଛାତ୍ରଛାତ୍ରୀମାନେ ହାଇବ୍ରିଡ କୋର୍ସ ଥିବା ୟୁନିଭର୍ସିଟିରେ ଆପ୍ଲାଏ କରିପାରିବେ ।
ଆମେରିକୀୟ ୟୁନିଭର୍ସିଟିର ଯୋଜନା: ହାୱାର୍ଡ ବିଜିନେସ ସ୍କୁଲର ନିର୍ଦ୍ଦେଶ ମୁତାବକ ବର୍ତ୍ତମାନ ଦେଶରେ ହାଇବ୍ରିଡ କୋର୍ସର ସୁବିଧା କରାଯିବା ସହିତ କେତେକ ପ୍ରଖ୍ୟାତ ୟୁନିଭର୍ସିଟି ଆଇନଗତ କାର୍ଯ୍ୟାନୁଷ୍ଠାନ ପାଇଁ ଯୋଜନା ପ୍ରସ୍ତୁତ କରୁଛନ୍ତି ।
ଆଲୋଚନା:
ଇମିଗ୍ରେସନ ଆଟର୍ଣ୍ଣି ସାଇରସ ମେହତା: ଛାତ୍ରଛାତ୍ରୀମାନେ ସମସ୍ୟାରୁ ବଞ୍ଚିବାକୁ ହେଲେ ଭିଜିଟର ଷ୍ଟାଟସ ପାଇଁ ଆପ୍ଲାଏ କରିପାରିବେ । ହେଲେ ଏହା ଏକ ସ୍ଥାୟୀ ସମାଧାନ ନୁହେଁ । କାରଣ ଏହାର ଅବଧି କମ ହୋଇଥିବା ବେଳେ ଏଥିପାଇଁ ଅନୁମତି ମିଳିବା ନେଇ କୌଣସି ସ୍ଥିରତା ନାହିଁ ।
ୟୋକେଟର କୋ-ଫାଉଣ୍ଡର ତଥା ଉଚ୍ଚ ଶିକ୍ଷା ଅଧିକାରୀ ସୁମିତ ଜୈନ: ଆମେରିକୀୟ ୟୁନିଭର୍ସିଟିଗୁଡିକର ଆୟ ଅନ୍ତର୍ଜାତୀୟ ଛାତ୍ରଛାତ୍ରୀଙ୍କ ଉପରେ ବହୁମାତ୍ରା ନିର୍ଭର କରୁଥିବା ବେଳେ ସେମାନଙ୍କ ପାଖରେ ବର୍ତ୍ତମାନ ଦୁଇଟି ଅପ୍ସନ ରହିଛି । ପ୍ରଥମତଃ ୟୁନିଭର୍ସିଟିଗୁଡିକ ଖରାପ ପରିସ୍ଥିତି ସତ୍ତ୍ବେ କ୍ଲାସ ଆରମ୍ଭ କରିବେ କିମ୍ବା ଅନ୍ତର୍ଜାତୀୟ ଛାତ୍ରଛାତ୍ରୀଙ୍କ ବିକଳ୍ପ ଖୋଜିବାକୁ ହେବ ।
