ନୂଆଦିଲ୍ଲୀ: ଜଳୁଛି ରାଜଧାନୀ ଦିଲ୍ଲୀ । ଗତ ଦୁଇ ଦିନ ଧରି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦେଶରେ ଉପସ୍ଥିତ ଥିବା ସମୟରେ ହିଁ ସୃଷ୍ଟି ହୋଇଥିବା ଅରାଜକତାକୁ ନେଇ ଚିନ୍ତାରେ କେନ୍ଦ୍ର ସରକାର । ତେବେ ପରିସ୍ଥିତି କେତେ ଭୟାବହ ହୋଇପଡିଛି ତାହା ମଙ୍ଗଳବାର ସ୍ପଷ୍ଟ ବାରି ହୋଇ ପଡିଥିଲା । ଯେତେବେଳେ ପରିସ୍ଥିତି ପରଖିବାକୁ ଆସି ପହଞ୍ଚିଥିଲେ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ।
ମଙ୍ଗଳବାର ବିଳମ୍ବିତ ରାତିରେ ଅଜିତ ସିଲମପୁରରେ ପହଞ୍ଚି ବରିଷ୍ଠ ପୋଲିସ ଅଧିକାରୀମାନଙ୍କ ସହିତ ଏସମ୍ପର୍କରେ ଆଲୋଚନା କରିଛନ୍ତି । ତେବେ ଗତ ଦୁଇ ଦିନ ଧରି ଦିଲ୍ଲୀରେ ଚାଲିଥିବା ହିଂସାକାଣ୍ଡରେ କୌଣସି ସୁଚିନ୍ତିତ ଯୋଜନା ରହିଛି ନା ଏହାର ଉଦ୍ଦେଶ୍ୟ ଆଉ କିଛି ତାହା ତଦନ୍ତ ପରେ ହିଁ ଜଣା ପଡିବ । ସେପଟେ ବର୍ତ୍ତମାନ ସ୍ଥିତି ସୁଧାରିବା ପାଇଁ ଅଣ୍ଟା ଭିଡିଛନ୍ତି ଅଜିତ । ସେ ଏନେଇ ରଣନୀତି ପ୍ରସ୍ତୁତ କରୁଥିବା ଜଣା ପଡିଛି ।
ଏହା ପୂର୍ବରୁ ସେ ବରିଷ୍ଠ ପୋଲିସ ଅଧିକାରୀମାନଙ୍କ ସହ ଆଲୋଚନା କରି ଘଟଣା ସମ୍ପର୍କରେ ତଥ୍ୟ ଏକାଠି କରୁଥିବା ଜଣା ପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
