ନୂଆଦିଲ୍ଲୀ: ଶୀତରେ ଥରୁଛି ରାଜଧାନୀ ଦିଲ୍ଲୀ । ମଙ୍ଗଳବାର ସକାଳୁ 4 ଡିଗ୍ରୀ ରହିଛି ତାପମାତ୍ରା। ଯାହାକୁ ନେଇ ଅସହ୍ୟ ଥଣ୍ଡାରେ ଅସ୍ତବ୍ୟସ୍ତ ରାଜଧାନୀବାସୀ। ତେବେ ସମୟ ବଢିବା ସହ ତାପମାତ୍ରା ବଢିବା ସହ ଲୋକେ ସାମାନ୍ୟ ଆଶ୍ବସ୍ତି ପାଇବେ ବୋଲି କହିଛି ପାଣିପାଗ ବିଭାଗ।
ତେବେ ସହର ଓ ଏହାର ଆଖପାଖ ଅଞ୍ଚଳରେ ଅତ୍ୟଧିକ ମାତ୍ରାରେ କୁହୁଡି ଛାଇ ରହିଛି। ଯାହା ଫଳରେ ଭିଜିବିଲିଟି କମ ହେତୁ ଟ୍ରାଫିକ ସମସ୍ୟା ବହୁ ମାତ୍ରାରେ ବଢିଯାଇଛି। ତେବେ ସକାଳୁ ପାଲନରେ ବିଜିବିଲିଟି 200 ମିଟର ରେକର୍ଡ ହୋଇଛି। ତେବେ ସର୍ବନିମ୍ନ ତାପମାତ୍ରା 4 ଡିଗ୍ରୀ ଥିବାବେଳେ, ସର୍ବାଧିକ ତାପମାତ୍ରା 17 ଡିଗ୍ରୀ ସେଲସିୟସ ରହିବ ବୋଲି ସୂଚନା ଦେଇଛି ପାଣିବାଗ ବିଭାଗ ।
ତେବେ ଦିଲ୍ଲୀରେ ଥଣ୍ଡାର ପ୍ରକୋପ ବୃଦ୍ଧି ସହ ପ୍ରଦୂଷଣର ମାତ୍ରାରେ ବୃଦ୍ଧି ପାଉଥିବା ଦେଖିବାକୁ ମିଳିଛି। ମଙ୍ଗଳବାର ସକାଳ 8ଟା ସମୟରେ ଏୟାର କ୍ବାଲିଟି ଇଣ୍ଡେକ୍ସ(AQI) 345 ରେକର୍ଡ କରାଯାଇଛି। ଯାହା ଅତି ଗମ୍ଭୀର ଶ୍ରେଣୀର ଅଟେ ।
ନିମ୍ନରେ ଥିବା ଅଞ୍ଚଳର ଗୁଡିକରେ ପ୍ରଦୂଷଣର ମାତ୍ରା:-
ଶାଦୀପୁରରେ 347
ଦ୍ବାରକା 321
ଡିଟୁୟୁ 423
ଆଇଟିଓ 323
ପଟପଡଗଞ୍ଜ 395
ସୋନିଆ ବିହାର 385
ପୁସା 303
ବ୍ୟୁରୋ ରିପୋର୍ଟ, ଇଟିଭି ଭାରତ
