ନୂଆଦିଲ୍ଲୀ: ଦୌଲତପୁରର ବସ୍ତି ଅଞ୍ଚଳରେ ଭୟାବହ ଅଗ୍ନିକାଣ୍ଡ । ଅଗ୍ନିକାଣ୍ଡର ଭୟବହତା ଏତେମାତ୍ରାରେ ଥିଲା ଯେ ବସ୍ତି ଅଞ୍ଚଳର 200 ଘର ଜଳିପୋଡି ପାଉଁଶ ହୋଇଯାଇଛି ।
ଦିଲ୍ଲୀର ବସ୍ତି ଅଞ୍ଚଳରେ ଭୟାବହ ଅଗ୍ନୀକାଣ୍ଡ, 200 ଘର ଛାରଖାର
ଦିଲ୍ଲୀର ଶାହବାଦ ଦୌଲତପୁରର ବସ୍ତି ଅଞ୍ଚଳରେ ଶନିବାର ରାତିରେ ଭୟାବହ ଅଗ୍ନିକାଣ୍ଡ ଘଟିଛି । କୌଣସି ଲୋକ ଆହତ କିମ୍ବା ମୃତାହତ ହୋଇନାହାଁନ୍ତି । ସୂଚନା ମିଳିବା ପରେ ଦମକଳ ବିଭାଗର 14 ଗାଡି ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବା କାର୍ଯ୍ୟରେ ନିୟୋଜିତ ହୋଇଥିଲେ । ବସ୍ତି ଅଞ୍ଚଳର 200 ଘର ନିଆଁରେ ଜଳି ନଷ୍ଟ ହୋଇଯାଇଛି ।
ସର୍ଟସର୍କିଟ ଯୋଗୁଁ ନିଆଁ ଲାଗିଥିବା ଆଶଙ୍କା କରାଯାଉଛି । ନିଆଁର ପ୍ରକୋପ ଏତେମାତ୍ରାରେ ରହିଥିଲା ଯେ ଲୋକେ ନିଜର ଜିନିଷ ପତ୍ର ମଧ୍ୟ ବାହାର କରିପାରିଲେ ନାହିଁ । ବର୍ତ୍ତମାନ ପର୍ଯ୍ୟନ୍ତ ଅଗ୍ନିକାଣ୍ଡରେ ପୀଡିତ ଲୋକଙ୍କ ପ୍ରଶାସନ ପକ୍ଷରୁ କୌଣସି ବ୍ୟବସ୍ଥା କରାଯାଇନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
