କେନ୍ଦୁଝର: ପୁଣି ଅଲୋଡ଼ା ହେଲା ଶିଶୁ କନ୍ୟା । ପୋଖରୀରୁ ଏକ ନବଜାତ ଶିଶୁ କନ୍ୟାର ମୃତଦେହ ଉଦ୍ଧାର ହୋଇଛି । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି କେନ୍ଦୁଝର ସଦର ଥାନାର ମୁରସୁଆଁ ଗାଁରେ ।
ସୂଚନା ଅନୁଯାୟୀ, ଶନିବାର ସକାଳେ ଉପରୋକ୍ତ ଗ୍ରାମର ଗ୍ରାମଦେବୀ ନିକଟ ପୋଖରୀରେ ଏକ ନବଜାତ ଶିଶୁ କନ୍ୟାର ମୃତଦେହ ଭାସୁଥିବା ଗାଁ ଲୋକେ ଦେଖିବାକୁ ପାଇଥିଲେ । ଖବର ଦେବାପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
ଏପଟେ ମୁରସୁଆଁ ଗାଁଟି 20 ନମ୍ବର ଜାତୀୟ ରାଜପଥ କଡରେ ହୋଇଥିବାରୁ କେହି ଶିଶୁଟିକୁ ଆଣି ପୋଖରୀରେ ଫୋପାଡ଼ି ଦେଇଥିବା ଗ୍ରାମବାସୀ ସନ୍ଦେହ କରୁଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
