ମୁମ୍ବାଇ: ଡ୍ରଗ୍ସ ଲିଙ୍କରେ ଛନ୍ଦି ହୋଇଥିବା ବଲିଉଡ ସୁନ୍ଦରୀଙ୍କୁ 5 ଘଣ୍ଟା ଜେରା କରିବା ପରେ ସେମାନଙ୍କର ଫୋନକୁ ଜବତ କରିଛି ଏନସିବି । ଏନେଇ ନାର୍କୋଟିକ କଣ୍ଟ୍ରୋଲ ବ୍ୟୁରୋ ପକ୍ଷରୁ ସୂଚନା ଦିଆଯାଇଛି ।
ବଲିଉଡ ଅଭିନେତ୍ରୀ ଡ୍ରଗ୍ସ ଓ ଗଞ୍ଜେଇ ସେବନ କରୁଥିବା ଜଣାପଡିବା ପରେ ଏନସିବି ପକ୍ଷରୁ ସେମାନଙ୍କୁ ସମନ ଜାରି କରାଯାଇଥିଲା । ଶୁକ୍ରବାର ରକୁଲପ୍ରୀତ ସିଂହଙ୍କୁ 4 ଏନସିବି 4 ଘଣ୍ଟା ଜେରା କରିଥିଲେ । ଶନିବାର ଦୀପିକା ପାଦୁକୋନ, ଶ୍ରଦ୍ଧା କପୁର ଓ ସାରା ଅଲ୍ଲୀ ଖାନଙ୍କୁ 5 ଘଣ୍ଟାରୁ ଅଧିକ ସମୟରେ ଧରି ଏନସିବି ବିଭିନ୍ନ ପ୍ରଶ୍ନକୁ ଗୁଡେଇ ତୁଡେଇ ପ୍ରଶ୍ନ କରିଥିଲା । ତେବେ ସମସ୍ତଙ୍କୁ ପଚାର ଉଚରା କରିବା ପରେ ସମସ୍ତଙ୍କୁ ଘରକୁ ଯିବାକୁ ଅନୁମତି ମିଳିଛି ।
ସେପଟେ, ଏନସିବି ଅଧିକ ତଥ୍ୟ ହାସଲ କରିବାକୁ ଦୀପିକା ପାଦୁକୋନ, ଶ୍ରଦ୍ଧା କପୁର, ସାରା ଅଲ୍ଲୀ ଖାନ, ରକୁଲ ପ୍ରୀତ ସିଂହଙ୍କ ଫୋନ ଜବତ କରିଥିଲା । ଫ୍ୟାଶନ ଡିଜାଇନର ସିମୋନ ଖମ୍ବାଟ୍ଟା , ଦୀପିକାଙ୍କ ମ୍ୟାନେଜର କରିଶ୍ମା ପ୍ରକାଶ ଓ ଜୟା ଶାହଙ୍କ ଫୋନ ମଧ୍ୟ ଜବତ ହୋଇଛି ।
ତେବେ ଗତକାଲି ଜେରା ସମୟରେ ସାରା ଅଲ୍ଲୀ ଖାନ ସିଗାରେଟ ଟାଣୁଥିବା ମାନିଛନ୍ତି । ଡ୍ରଗ୍ସ ସେବନ କଥାକୁ ଶ୍ରଦ୍ଧା ଓ ସାରା ଉଭୟେ ଅସ୍ବୀକାର କରିଥିଲେ ।
