କୋଲକାତା: ନିକଟରେ ସୋସିଆଲ ମିଡିଆରେ ଭାଇରାଲ ହୋଇଥିଲା ଦୁଇ ସ୍କୁଲ ପିଲାଙ୍କ ଭିଡିଓ । ସ୍କୁଲ ବ୍ୟାଗସହ ଦୁହେଁ ଦେଖାଉଥିଲେ ଷ୍ଟଣ୍ଟ । ଭିଡିଓଟି ଭାଇରାଲ ହେବା ପରେ କେନ୍ଦ୍ର କ୍ରୀଡା ମନ୍ତ୍ରୀ କିରନ ରିଜ୍ଜୁ ଓ ସ୍ବର୍ଣ୍ଣ ପଦକ ବିଜେତା ଜିମନାଷ୍ଟ ନଦିଆ କୋମାନେସି ଦୁହିଁଙ୍କୁ ଖୁବ ପ୍ରଂଶସା କରିଛନ୍ତି।
ଭିଡିଓରେ ଥିବା ଛାତ୍ରୀ ହେଲେ ଜଶିକା ଖାନ ଓ ଛାତ୍ର ମହମ୍ମଦ ଆଜାଉଦ୍ଦିନ । ଏହି କଥା ଶୁଣିବା ପରେ ଖୁସି ପ୍ରକାଶ କରିଛନ୍ତି ଜଶିକା । ତାଙ୍କର ଗୋଟିଏ ଛୋଟିଆ ଭିଡିଓ ତାଙ୍କୁ ଏତେ ପରିଚିତ କରାଇଦେବା ବୋଲି ସେମାନେ ଭାବିନଥିଲେ ବୋଲି କହିଛନ୍ତି ଜଶିକା । ମୁଁ ଏହି ଖବର ମୋ ମାତାପିତାଙ୍କୁ ମଧ୍ୟ ଜଣାଇଥିଲି । ସେମାନେ ମଧ୍ୟ ଖୁବ ଖୁସି ହୋଇଥିଲେ। ଏପରି ଜିମନାଷ୍ଟ ମୁଁ 4 ବର୍ଷ ଧରି କରିଆସୁଛି। ଭବିଷ୍ୟତରେ ମୁଁ ନଦିଆ କୋମାନେସିଙ୍କ ଭଳି ଜିମନାଷ୍ଟ ହେବି ବୋଲି ଆଶା ରଖିଛି।
ମୋ ନୃତ୍ୟ ଶିକ୍ଷକଙ୍କୁ ଗର୍ବିତ କରିବା ଉଦ୍ଦେଶ୍ୟରେ ମୁଁ ଜିମନାଷ୍ଟ ଶିଖିଥିଲି । ଯଦି ମୋତେ ଭବିଷ୍ୟତରେ ଏହି ଜିମନାଷ୍ଟ କରିବାକୁ ମିଳେ, ମୁଁ ନିଶ୍ଚିତ ଗ୍ରହଣ କରିବି । ହେଲେ ଏହାସହ ନୃତ୍ୟ ମଧ୍ୟ ଜାରି ରଖିବି ବୋଲି କହନ୍ତି ମହମ୍ମଦ ଆଜାଉଦ୍ଦିନ ।
