ନୂଆଦିଲ୍ଲୀ: କୋଭିଡ୍-19 ମହାମାରୀ ମଧ୍ୟରେ ଏକ ପ୍ରେରଣାଦାୟକ ମ୍ୟୁଜିକ୍ ଭିଡିଓ 'ମୁସ୍କୁରାଏଗା ଇଣ୍ଡିଆ' ରିଲିଜ୍ ହୋଇଛି। ଏଥିପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଖିଲାଡି ଷ୍ଟାର୍ ଅକ୍ଷୟ କୁମାର ଏବଂ ଅନ୍ୟ ତାରକାଙ୍କୁ ପ୍ରଶଂସା କରିଛନ୍ତି। ସେ ଏହାକୁ ଏକ ଭଲ ଓ ଉଚ୍ଚକୋଟୀର ପଦକ୍ଷେପ ବୋଲି କହିଛନ୍ତି।
କୋଭିଡ୍-19 ବିରୋଧରେ ହେଉଥିବା ଲଢ଼େଇରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଫିଲ୍ମ ଇଣ୍ଡଷ୍ଟ୍ରିରୁ ସେଲିବ୍ରିଟିମାନଙ୍କ ସାହାଯ୍ୟକୁ ପ୍ରଶଂସା କରିବା ସହିତ ସ୍ୱୀକୃତି ଜାରି ରଖିଛନ୍ତି। ତାଙ୍କର ନୂତନ ଭାବେ ଉନ୍ମୋଚିତ ହୋଇଥିବା PM-CARES ରିଲିଫ୍ ପାଣ୍ଠିକୁ ଦାନ କରିଥିବାରୁ ସିନେ ତାରକାଙ୍କୁ କୃତଜ୍ଞତା ଜଣାଇବା ପରେ, ଏଥର ସେ ଏକ ମ୍ୟୁଜିକ୍ ଭିଡିଓ ସହିତ ନାଗରିକଙ୍କ ମନୋବଳ ବଢେଇବାର ପ୍ରଚେଷ୍ଟା ନିମନ୍ତେ ସେମାନଙ୍କୁ ପ୍ରଶଂସା କରିଛନ୍ତି। ପ୍ରଧାନମନ୍ତ୍ରୀ ମୋଦି ମୁସ୍କୁରାୟେଗା ଇଣ୍ଡିଆ ଗୀତର ଲିରିକ୍ସରେ କହିଛନ୍ତି ଯେ ମାରାତ୍ମକ କୋରୋନାଭାଇରସ୍ ବିରୋଧରେ ଭାରତ 'ଲଢ଼ିବା ଏବଂ 'ଜିତିବା'।
ଅକ୍ଷୟ କୁମାର, ଟାଇଗର ଶ୍ରଫ୍, କାର୍ତ୍ତିକ ଆର୍ଯ୍ୟନ୍, ବିକି କୌଶଲ, ରାଜକୁମାର ରାଓ, ସିଦ୍ଧାର୍ଥ ମଲହୋତ୍ରା, କ୍ରିତି ସାନନ୍, ଆୟୁଷ୍ମାନ ଖୁରାନା, ଭୂମି ପେଡନେକର, ରାଜକୁମାର ରାଓ, ଅନନ୍ୟା ପାଣ୍ଡେ, କିଆରା ଆଡଭାନୀ, ରାକୁଲ ପ୍ରୀତି ସିଂ ମ୍ୟୁଜିକ୍ ଭିଡିଓରେ ଗୀତ ଗାଇଥିବାର ଦେଖାଯାଏ, ଏବଂ ତାରକାମାନେ ଘରୁ ରହି ଏହି ଭିଡିଓକୁ ସୁଟିଂ କରିଛନ୍ତି ।
ଭାରତ ପୁଣି ରାସ୍ତାରେ ଫେରି ଆସିବ, ପର୍ବ ପାଳନ କରିବ, ନାଚିବ, ମହାମାରୀ ସମାପ୍ତ ହେବା ପରେ ହସିବ ! ପୋଲିସ୍ ଏବଂ ଅନ୍ୟ ବାହିନୀ ଯୋଦ୍ଧାମାନେ ସାମ୍ପ୍ରତିକ ପରିସ୍ଥିତିରେ କଠିନ ପରିଶ୍ରମ କରୁଛନ୍ତି। ଏହି ଭିଡିଓ ଦେଶକୁ ପ୍ରଧାନମନ୍ତ୍ରୀଙ୍କ ବାର୍ତ୍ତା ସହିତ ଆରମ୍ଭ ହୋଇଛି ଏକ ନିଆରା କ୍ୟାମ୍ପେନ୍। ଯାହା ଦ୍ଵାରା ସେମାନେ କୋଭିଡ୍-19 ଭୂତାଣୁଙ୍କୁ ପରାସ୍ତ କରିବେ।
ଏହି ଭିଡିଓଟି ଅଭିନେତା-ନିର୍ମାତା ଜ୍ୟାକି ଭାଗ୍ନାନୀଙ୍କ ଜଷ୍ଟ ମ୍ୟୁଜିକ୍ ଦ୍ୱାରା ଏକ ପଦକ୍ଷେପ ଏବଂ ବିଶାଲ ମିଶ୍ରଙ୍କ ଦ୍ୱାରା ଏହା ଗାନ କରାଯାଇଛି ଏବଂ ରଚନା କରାଯାଇଛି।
