ହାଇଦ୍ରାବାଦ: ସ୍ଥାନୀୟ ପୋଲିସକୁ ମିଳିଛି ଏକ ବଡ ସଫଳତା । ଏଠାକାର ମୋଷ୍ଟ ୱାଣ୍ଟେଡ ଲୁଟେରା ନେନାଭାତ୍ ବିନୋଦଙ୍କୁ ଗିରଫ କରିଛି ହାଇଦ୍ରାବାଦ ପୋଲିସର ଏକ ଟିମ ।
ସୂଚନା ଅନୁଯାୟୀ ଗିରଫ ଲୁଟେରା ନେନାଭାତ୍ ପେସାରେ ଜଣେ କାର ଡ୍ରାଇଭର। ତା ନାଁରେ 28ରୁ ଊର୍ଦ୍ଧ୍ବ ଅପରାଧିକ ମାମଲା ରହିଛି। ଯେଉଁଥିପାଇଁ ସେ ପୂର୍ବରୁ ଜେଲ ଯାଇସାରିଛି। ତେବେ ଜେଲରୁ ବାହାରିବା ପରେ ପୁଣି ଥରେ ଲୁଟପାଟ କରିବା ଆରମ୍ଭ କରି ଦେଇଥିଲା ଏହି ଲୁଟେରା। ବର୍ତ୍ତମାନ ପୁଣି ଥରେ ପୋଲିସ ହାତରେ ଧରାପଡିଛି ନେନାଭାତ୍ ।
ଅଭିଯୁକ୍ତ ପାଖରୁ 53.4 କିଲୋଗ୍ରାମ ସୁନା, 1କିଲୋଗ୍ରାମ ରୂପା ଅଳଙ୍କାର, 4ଟି ଲ୍ୟାପଟପ, ଗୋଟିଏ ହୋଣ୍ଡା ଆକ୍ଟିଭା ସ୍କୁଟି, ଗୋଟିଏ ସାମସଙ୍ଗ ଟିଭି, ଗୋଟିଏଟି ସାମସଙ୍ଗ ଟ୍ୟାବ ଏବଂ 41 ହଜାର ଟଙ୍କା ଜବତ କରିଯାଇଛି ବୋଲି ପୋଲିସ କମିଶନର ଅଞ୍ଜନୀ କୁମାର କହିଛନ୍ତି । ଜବତ ହୋଇଥିବା ସାମଗ୍ରୀକୁ ଏସଏଚକୁ ହସ୍ତାନ୍ତର କରାଯିବା ସହ ଏ ଘଟଣାରେ ଅଧିକ ତଦନ୍ତ ଜାରି ରହିବା ନେଇ କମିଶନର ଜଣାଇଛନ୍ତି।
