ମୁମ୍ବାଇ: ରାଷ୍ଟ୍ରବାଦୀ କଂଗ୍ରେସ ପାର୍ଟିର ବରିଷ୍ଠ ନେତା ତଥା ମହାରାଷ୍ଟ୍ର ସରକାରଙ୍କ ମନ୍ତ୍ରୀ ନୱାବ ମଲ୍ଲିକ ସଂଘ ପ୍ରମୁଖ ମୋହନ ଭାଗବତଙ୍କୁ ଟାର୍ଗେଟ କରିଛନ୍ତି । ଏକ କାର୍ଯ୍ୟକ୍ରମରେ ଯୋଗଦେଇ ନୱାବ ମଲ୍ଲିକ କହିଛନ୍ତି ସଂଘ ପ୍ରମୁଖ ଯେଉଁ ଜନସଂଖ୍ୟା ନିୟନ୍ତ୍ରଣ ଆଇନ ଚାହୁଁଛନ୍ତି ସେ ବୋଧ ହୁଏ ଜାଣିନାହାଁନ୍ତି ଯେ ଏହି ଆଇନ ମହାରାଷ୍ଟ୍ରରେ ବହୁ ପୂର୍ବରୁ ଅଛି । ଏହାସହ ଅନ୍ୟ କେତେକ ରାଜ୍ୟରେ ମଧ୍ୟ ଅଛି । ଯଦି ମୋହନ ଭାଗବତ ଜୋର ଜବରଦସ୍ତ ପୁରୁଷଙ୍କ ବନ୍ଧ୍ୟାକରଣ କରିବାକୁ ଚାହୁଁଛନ୍ତି ତ ମୋଦିଙ୍କୁ ଆଇନ ଆଣିବା ପାଇଁ କୁହନ୍ତୁ । କିନ୍ତୁ ଆଇନ ଆଣିବା ପୂର୍ବରୁ ଅତୀତକୁ ମଧ୍ୟ ଦେଖିବାକୁ ପଡିବ ବୋଲି ସେ କହିଛନ୍ତି ।
ସୂଚନାଯୋଗ୍ୟ ଯେ ଅନେକ ଐତିହାସିକ, ଚର୍ଚ୍ଚିତ ଆଇନ କେନ୍ଦ୍ର ସରକାର ଆଣିବା ପରେ ଏବେ ସରକାର ଖୁବ ଶୀଘ୍ର ଜନସଂଖ୍ୟା ନିୟନ୍ତ୍ରଣ ଆଇନ ଆଣିବାକୁ ଯାଉଛନ୍ତି । ଯାହାକୁ ନେଇ ଏବେ ବିଭିନ୍ନ ସ୍ତରରେ ବିତର୍କ ଆରମ୍ଭ ହୋଇଗଲାଣି ।
