ବାରଣାସୀରୁ ଜିତିଲେ ମୋଦି, ୱାୟନାଡ଼ରୁ ଜିତିଲେ ରାହୁଲ

ଜିତିଲେ ମୋଦି ଏବଂ ରାହୁଲ । ବାରଣାସୀରୁ ପ୍ରଧାନମନ୍ତ୍ରୀ ଏବଂ ୱାୟନାଡ଼ରୁ ବିଜୟଲାଭ କଲେ କଂଗ୍ରେସ ଅଧ୍ୟକ୍ଷ ।

ହାଇଦ୍ରାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉତ୍ତରପ୍ରଦେଶର ବାରଣାସୀ ଲୋକସଭା ଆସନରୁ ପୁଣିଥରେ ବିଜୟ ଲାଭ କରିଛନ୍ତି । ସେହିଭଳି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ କେରଳର ୱାୟନାଡ଼ ଲୋକସଭା ଆସନରୁ ବିପୁଳ ଭୋଟରେ ଜିତିଛନ୍ତି ।

ପ୍ରଧାନମନ୍ତ୍ରୀ ମୋଦି ପ୍ରାୟ ସାଢ଼େ ତିନି ଲକ୍ଷରୁ ଊର୍ଦ୍ଧ୍ବ ଭୋଟରେ ବାରଣାସୀରୁ ଜିତିଛନ୍ତି । ଅନ୍ୟପଟେ ପାରମ୍ପରିକ ଆମେଠି ଆସନରେ ରାହୁଲ ଗାନ୍ଧୀ ସ୍ମୃତି ଇରାନୀଙ୍କ ଠାରୁ ପଛରେ ପଡ଼ିଥିବା ବେଳେ କେରଳର ୱାୟନାଡ଼ ଆସନରୁ ବିଜୟ ଟିକା ପିନ୍ଧିଛନ୍ତି । ଭୋଟ ଗଣତିର ଶେଷ ପର୍ଯ୍ୟାୟରେ ପ୍ରାୟ 7,90,000 ଭୋଟରେ ଆଗୁଆ ରହିଥିଲେ ରାହୁଲ ।