ନୂଆଦିଲ୍ଲୀ: ଦ୍ବିତୀୟ ଥର ପାଇଁ ଏକାକୀ ସଂଖ୍ୟାଗରିଷ୍ଠତା ହାସଲ କରିଛନ୍ତି ନରେନ୍ଦ୍ର ମୋଦି । ପୁନର୍ବାର ପ୍ରଧାନମନ୍ତ୍ରୀ ରୂପେ ନେବେ ଶପଥ । ଦ୍ବିତୀୟ ପାଳିରେ ପ୍ରଥମଥର ପାଇଁ ଜୁନ୍ 28ରେ ମୋଦି ଜାପାନ ଗସ୍ତ କରିବେ ।
ଜି-20 ଶିଖର ସମ୍ମିଳନୀ ଯୋଗଦେବେ ମୋଦି । ଏହି ଗସ୍ତ ସମୟରେ ଆମେରିକା ରାଷ୍ଟ୍ରପତି ଡୋନାଲ ଟ୍ରମ୍ପଙ୍କ ସହ କରିବେ ଆଲୋଚନା । ଭାରତ- ଆମେରିକା ରଣନୀତି ବିଷୟରେ ହେବ ବୈଠକ । ଏହି ସମୟରେ ଦୁଇ ଦେଶର ବୈଦେଶିକ ନୀତି, କୂଟନୀତି ଓ ଆର୍ଥିକ କାରବାର ଆଦି ସମ୍ବନ୍ଧରେ ଆଲୋଚନା ହେବା ନେଇ ସୂଚନା ମିଳିଛି ।
ଶିଖର ସମ୍ମିଳନୀକୁ ଆସିଥିବା ଅନ୍ୟ ରାଷ୍ଟ୍ରର ନେତାମାନଙ୍କ ସହ ମଧ୍ୟ ମୋଦି ମଧ୍ୟ କରିବେ ଆଲୋଚନା । ଏହାରି ଭିତରେ ନରେନ୍ଦ୍ର ମୋଦି ଦ୍ବୀତିୟ ଥର ପାଇଁ ପ୍ରଧାନମନ୍ତ୍ରୀ ରୂପେ ନିର୍ବାଚିତ ହୋଇଥିବାରୁ ରାଷ୍ଟ୍ରପତି ଟ୍ରମ୍ପଙ୍କ ସମେତ ଅନେକ ରାଷ୍ଟ୍ର ମୁଖ୍ୟମାନେ ଶୁଭେଚ୍ଛା ଜଣାଇଛନ୍ତି ।
