ମୁମ୍ବାଇ: ଚିତାବାଘ ମୁହଁରୁ ସଂପର୍କୀୟଙ୍କୁ ବଞ୍ଚାଇଲେ ନାବାଳକ । ମହାରାଷ୍ଟ୍ର ଥାନେ ଅଞ୍ଚଳର ଜଣେ 14 ବର୍ଷର ନାବାଳକ ନିଜ ସମ୍ପର୍କୀୟ ଭାଇର ଜୀବନ ରକ୍ଷା କରି ଏବେ ପ୍ରଶଂସାର ପାତ୍ର ପାଲଟିଛନ୍ତି । ତାଙ୍କର ସାହସିକତା ଯୋଗୁଁ ସ୍ଥାନୀୟ ପୋଲିସ ଅଫିସରଙ୍କ ଦ୍ବାରା ସମ୍ମାନିତ ହୋଇଛନ୍ତି ।
ଉଦ୍ଧାର କରିଥିବା ନାବାଳକ ହେଲେ ଥାନେ କର୍ପାଟୱାଡି ଗାଁର ନରେଶ କାଳୁରାମ ଭଲ୍ଲା । ନରେଶ ଏବଂ 7 ବର୍ଷର ସମ୍ପର୍କୀୟ ଭାଇ ହର୍ଷଦ ଜେଜେମାଙ୍କ ସହ ପାଖ ଜଙ୍ଗଲକୁ କୋଳି ତୋଳିବା ପାଇଁ ଯାଇଥିଲେ । ସେହି ସମୟରେ ହଠାତ ଏକ ଚିତା ଆସି ସାଥିରେ ଥିବା ଭାଇ ହର୍ଷଦକୁ ଆକ୍ରମଣ କରିଥିଲା । ଫଳରେ ଭୟଭୀତ ନହୋଇ ନରେଶ ବାଘ ଉପରକୁ ପଥରମାଡ କରିବା ସହ ବାଡିରେ ଘଉଡାଇ ଭାଇକୁ ଉଦ୍ଧାର କରିଥିଲେ ।
ଅନ୍ୟପଟେ ଦୁହିଁଙ୍କ ଚିତ୍କାର ଶୁଣି ହାତରେ କୁରାଢୀ ଧରି ଧାଇଁ ଆସିଥିଲେ ଜେଜେ ମା' । ତେବେ ଖବର ପାଇ ବନ ବିଭାଗ ଘଟଣାସ୍ଥଳରେ ତନାଘନା ଆରମ୍ଭ କରିଥିଲେ । ଏହାପରେ ବ୍ୟବଚ୍ଛେଦ ପାଇଁ ସଞ୍ଜୟ ଗାନ୍ଧୀ ନାସନାଲ ପାର୍କକୁ ପଠାଯାଇଛି ।
