ଜୟପୁର : ପିଲାଠାରୁ ବୁଢାଯାଏ ସମସ୍ତଙ୍କୁ ଘାରିଛି ଟିକଟକ ନିଶା । ସକାଳୁ ସଂଧ୍ୟା ଯାଏ ଟିକଟକରେ ଭିଡିଓ ବନେଇବାରେ ବିତାଉଛନ୍ତି ଆଜିକାର ଯୁବପିଢି । ତେବେ ଏହି ଟିକଟକ ଯୋଗୁଁ ନିଜର ଜୀବନ ହାରିଛନ୍ତି 12 ବର୍ଷର ନାବାଳକ କୁଶାଲ। ରାଜସ୍ଥାନ କୋଟାରେ ଦେଖିବାକୁ ମିଳିଛି ଏଭଳି ଅଭାବନୀୟ ଘଟଣା ।
କିଛିଦିନ ହେବେ ଏହି ନାବାଳକ ଟିକଟିକ ଭିଡିଓରେ ନିଜକୁ ବ୍ୟସ୍ତ ରଖୁଥିଲେ । ଆଉ ଶୁକ୍ରବାର ସେ ଘର ଭିତରେ ନିଜକୁ ବନ୍ଦ ରଖି ଭିଡିଓ କରୁଥିଲେ । ହେଲେ ଅନେକ ସମୟ ପର୍ଯ୍ୟନ୍ତ ଘରୁ କୌଣସି ଶବ୍ଦ ନଆସିବାରୁ କୁଶାଲଙ୍କ ମା' ଘର ଭିତରକୁ ଯାଇ ପୁଅ ବେକରେ ଲୁହାଚେନ ଲଗାଇ ପଡିଥିବା ଦେଖିବାକୁ ପାଇଥିଲେ । ସେ ହାତରେ ଚୁଡି,ମଙ୍ଗଳସୂତ୍ର ଏବଂ ସିନ୍ଦୁର ଲଗାଇଥିବାର ଦେଖିବାକୁ ମିଳିଥିଲା ।
ସଙ୍ଗେସଙ୍ଗେ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିଲା । ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଟିକଟକ ଭିଡିଓ ଯୋଗୁଁ ପୁଅର ମୃତ୍ୟୁ ଘଟିଥିବା କହିଛନ୍ତି ମୃତ ନାବାଳକଙ୍କ ପିତା । ଟିକଟକର ନିର୍ଦ୍ଦେଶ ଅନୁସାରେ ସେ ନିଜକୁ ମାରିଛି, ଯଦି ଟିକଟକ ନଥାନ୍ତା ତେବେ ପୁଅ ମୋର ବଞ୍ଚିଥାନ୍ତା ବୋଲି ସେ କହିଛନ୍ତି । ଅନ୍ୟପଟେ ଏହି ଘଟଣାରେ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
