ହାଇଦ୍ରାବାଦ: ଅନଲାଇନ ଇଭେଣ୍ଟ ଜରିଆରେ ଭାରତରେ ଏଣ୍ଟ୍ରି ନେବାକୁ ଯାଉଛି ସାଓମିର ନୂଆ ପ୍ରଡକ୍ଟ ଏମଆଇ ନୋଟବୁକ । ଏହା ଆସନ୍ତା ଜୁନ 11ରେ ଲଞ୍ଚ ହେବା ନେଇ ସ୍ପଷ୍ଟ କରିଛି କମ୍ପାନୀ । ଏହା ଭାରତୀୟ ସମୟ ଅନୁଯାୟୀ ଦିନ 12ଟାରେ ଏମଆଇ ସୋସିଆଲ ପ୍ଲାଟଫର୍ମରେ ଓ ଏମଆଇ.କମରେ ଅନୁଷ୍ଠିତ ଅନଲାଇନ ଇଭେଣ୍ଟରେ ଭାରତରେ ଲଞ୍ଚ କରାଯିବ । ଏନେଇ ସୂଚନା ଦେଇଛନ୍ତି ସାଓମି ଇଣ୍ଡିଆର କାର୍ଯ୍ୟକାରୀ ଅଧ୍ୟକ୍ଷ ତଥା ସାଓମିର ଭାଇସ ପ୍ରେସିଡେଣ୍ଟ ମନୁ ଜୈନ ।
ତେବେ ଭାରତୀୟ ୟୁଜର୍ସଙ୍କୁ ଏହି ନୋଟବୁକ ଲଞ୍ଚି ବିଷୟରେ ଅଧିକ ସୂଚନା ଦେଇ ମନୁ କହିଛନ୍ତି କି ଏହା ଭାରତୀୟଙ୍କ ପାଇଁ ସ୍ବତନ୍ତ୍ର ଭାବେ ଡିଜାଇନ କରାଯାଇଛି । ଏହା ଭାରତରେ ପ୍ରଚଳିତ ଏମଆଇ ନୋଟବୁକ ସିରିଜର ଏକ ସମ୍ପୂର୍ଣ୍ଣ ନୂଆ ଓ ସ୍ବତନ୍ତ୍ର ଆଡିସନ । ଭାରତୀୟ ୟୁଜର୍ସଙ୍କ ଆବଶ୍ୟକତାକୁ ପୂରଣ କରିବା ପାଇଁ ଏହାକୁ ଲାଟେଷ୍ଟ ଟେକ୍ନୋଲୋଜି ସହ ସ୍ବତନ୍ତ୍ର ଭାବେ ପ୍ରସ୍ତୁତ କରାଯାଇଛି ।
ରିପୋର୍ଟ ମୁତାବକ ଏହି ନୋଟବୁକ ହେଉଛି ରେଡମିବୁକ 13ର ରିବ୍ରାଣ୍ଡେଡ ଭର୍ସନ । ଗତବର୍ଷ ଡିସେମ୍ବର ମାସରେ ଚୀନରେ ରେଡମିବୁକ 13 ଲଞ୍ଚ ହୋଇଥିବା ବେଳେ ଏହା ନୂଆ ଭର୍ସନ ଭାରତରେ ଲଞ୍ଚ ହେବ । ଏଥିରେ 13.3 ଇଞ୍ଚର ଫୁଲ ଏଚଡି(1920 x 1080 ପିକ୍ସେଲ) ରିଜୋଲ୍ୟୁସନ ସହ ଆଣ୍ଟି-ଗ୍ଲେୟାର ଡିସପ୍ଲେ ରହିଛି । ସାଥିରେ ତିନି ପାର୍ଶ୍ବରେ 4.65 ମିଲିମିଟରର ବେଜେଲ ରହିଛି । ଏହି ନୋଟବୁକର ଡିସପ୍ଲେରେ 178 ଡିଗ୍ରୀ ୱାଇଡ-ରେଞ୍ଜିଂ ଭିୟୁ ସହ 250 ନିଟ ବ୍ରାଇଟନେସ ରହିବ । ଏହା 16.3 ମିଲିମିଟର ପତଳା ହୋଇଥିବା ବେଳେ ଏହାର ଓଜନ 1.23 କିଲୋଗ୍ରାମ ରହିବା ନେଇ ଜଣା ପଡିଛି ।
@IANS
