ହାଇଦ୍ରାବାଦ: କୋରୋନା ମହାମାରୀ ଆହ୍ବାନ ମଧ୍ୟରେ ରାଜ୍ୟକୁ ସମର୍ଥନ ଯୋଗାଇବା ପାଇଁ କେନ୍ଦ୍ର ସରକାର ନିରନ୍ତର ପଦକ୍ଷେପ ନେଇଛନ୍ତି । କୋରୋନା ସଙ୍କଟରୁ ମୁକୁଳିବା ଲାଗି କେନ୍ଦ୍ର ସରକାର ଗୋଟିଏ ପରେ ଗୋଟିଏ ଆର୍ଥିକ ପ୍ୟାକେଜ ଆଣିବା ସହ ବିଭିନ୍ନ ସେକ୍ଟରକୁ ଦେଇଛନ୍ତି ସଞ୍ଜୀବନୀ । ତେବେ ଏସବୁ ମଧ୍ୟରେ ରାଜ୍ୟକୁ କଣ ଦିଆଯାଇଛି ଅଧିକା ବୁଷ୍ଚର ..
1. 2020-21 ଆର୍ଥିକ ବର୍ଷରେ ଆତ୍ମନିର୍ଭର ଭାରତ ପ୍ୟାକେଜ ଅଧିନରେ ରାଜ୍ୟକୁ ଅତିରିକ୍ତ ଋଣ ଉଠାଣ ପାଇଁ ସୁଯୋଗ ।
2. ଏହି ଆତ୍ମନିର୍ଭର ଭାରତ ପ୍ୟାକେଜ ଜରିଆରେ କେନ୍ଦ୍ର ସରକାର ରାଜ୍ୟର ଋଣ ଉଠାଣ ସୀମା ଜିଏସଡିପିର 2 ପ୍ରତିଶତ ବଢାଇଛନ୍ତି । ଯାହାର ମୂଲ୍ୟ ପ୍ରାୟ 4.27 ଲକ୍ଷ କୋଟି ଟଙ୍କା ରହିଛି ।
3. ଅତିରିକ୍ତ 2 ପ୍ରତିଶତ ରାଜ୍ୟକୁ ଉଠାଣ ପାଇଁ ଅନୁମତି ଦେବା ପରେ ପ୍ରଥମ କିସ୍ତିର 0.5 ପ୍ରତିଶତ ସମସ୍ତ ରାଜ୍ୟ ନେଇପାରିବା ନେଇ ଗ୍ରୀନ ସିଗନାଲ ରହିଛି ।
ବାକି ଦ୍ବିତୀୟ ପର୍ଯ୍ୟାୟରେ ଜିଏସଡିପିର 1 ପ୍ରତିଶତ ରାଜ୍ୟ ସ୍ତରରେ ଲାଗୁ ସୁଧାର ହିସାବରେ ନେବାକୁ ଅନୁମତି ଅଛି । ଯେଉଁଥିରେ ପ୍ରତ୍ୟେକ ସୁଧାର ପାଇଁ 0.25 ପ୍ରତିଶତ ଯୋଗଦାନ ଅଛି । ଏଥିରେ ରହିଥିବା 4 ନୂଆ ଯୋଜନାରେ ..
ୱାନ ନେସନ ୱାନ ରାସନ କାର୍ଡ
ଇଜ ଅଫ ଡୁଇଙ୍ଗ ବିଜନେସ ସଂସ୍କାର
ସହରୀ ଗ୍ରାମୀଣ ସଂସ୍ଥା ( ଗ୍ରାମସଭା ଭଳି ..)
ପାୱାର ସେକ୍କଟ ସଂସ୍କାର
ଅବଶିଷ୍ଟ 0.5 ପ୍ରତିଶତ ଥିଲା ଉପରୋକ୍ତ ପଦକ୍ଷେପର 3 ଟି ପାଇଁ ସର୍ତ୍ତମୂଳକ
2020 ଡିସେମ୍ବର 30 ରେ 10ଟି ରାଜ୍ୟ ୱାନ ନେସ ୱାନ ରାସନ କାର୍ଡ ସିଷ୍ଟମକୁ ଲାଗୁ କରିଥିଲେ । 7 ଟି ରାଜ୍ୟ ଇଜ ଅଫ ଡୁଇଙ୍ଗ ବିଜନେସର ସଂସ୍କାରକୁ ଆପଣାଇଥିଲେ । ଏଥିସହ 2 ଟି ରାଜ୍ୟ ଲୋକାଲ ବଡି ସିଷ୍ଟମ ସୁଧାର କରିଥିଲେ ।
ଜିଏସ୍ଟି ରାଜସ୍ୱରେ କ୍ଷତି ପାଇଁ ରାଜ୍ୟମାନଙ୍କୁ କ୍ଷତିପୂରଣ
ରାଜ୍ୟକୁ ଦ୍ରବ୍ୟ ଓ ସେବା କର (ଜିଏସଟି) କ୍ଷତିପୂରଣର 13 ତମ କିସ୍ତି ଜାରି କଲା ଅର୍ଥ ମନ୍ତ୍ରାଳୟ । ସୋମବାର ମନ୍ତ୍ରାଳୟ ରାଜ୍ୟଗୁଡିକୁ 6,000 କୋଟି ଟଙ୍କା ପ୍ରଦାନ କରିଛି । ଏଥିସହ ଏବେ ସୁଦ୍ଧା ମୋଟ 78 ହଜାର କୋଟି ଟଙ୍କା ଜାରି କରାଯାଇଛି ବୋଲି ମନ୍ତ୍ରାଳୟ ସୂଚନା ଦେଇଛି ।
ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳକୁ ଏବେ ସୁଦ୍ଧା ଆନୁମାନିକ ଜିଏସଟି କ୍ଷତିପୂରଣର 70 ପ୍ରତିଶତ ଅଂଶ ଜାରି କରାଯାଇ ସାରିଛି । ଜିଏସଟି ଲାଗୁ କରାଯିବା ପରେ ରାଜସ୍ବରେ 1.10 ଲକ୍ଷ କୋଟି ଟଙ୍କାର ଆନୁମାନିକ ହ୍ରାସ ଦେଖାଦେଇଛି । ଏହାକୁ ପୂରଣ କରିବା ପାଇଁ କେନ୍ଦ୍ର 2020 ଅକ୍ଟୋବରରେ ଏକ ସ୍ପେଶାଲ ୱିଣ୍ଡୋ ବ୍ୟବସ୍ଥା ଆରମ୍ଭ କରିଥିଲା ।
ଅର୍ଥମନ୍ତ୍ରାଳୟ ଏକ ବିବୃତ୍ତିରେ କହିଛି କି , ଏହା ଜିଏସଟି କ୍ଷତିପୂରଣ ପାଇଁ ରାଜ୍ୟକୁ 6000 କୋଟି ଟଙ୍କାର 13 ତମ ସାପ୍ତାହିକ କିସ୍ତି ଜାରି କରିଛି । ଏଥିମଧ୍ୟରୁ 23 ରାଜ୍ୟକୁ 5,516.60 କୋଟି ଟଙ୍କା ଜାରି କରାଯାଇଛି । ଯେତେବେଳେ କି ବିଧାନସଭା ରହିଥିବା 3 କେନ୍ଦ୍ର ଶାସିତ ରାଜ୍ୟ (ଦିଲ୍ଲୀ, ଜାମ୍ମୁକାଶ୍ମୀର ଓ ପୁଡୁଚେରୀ)କୁ 483.40 କୋଟି ଟଙ୍କା ଜାରି ହୋଇଛି । ବିବୃତ୍ତି ଅନୁସାରେ କେନ୍ଦ୍ର ସରକାର ଏବେ ସୁଦ୍ଧା ସ୍ପେଶାଲ ୱିଣ୍ଡୋ ମାଧ୍ୟମରେ ହାରାହାରି 4.74 ପ୍ରତିଶତ ସୁଧ ହାରରେ 78,000 କୋଟି ଟଙ୍କା ଋଣ କରିଛନ୍ତି ।
ପୁଞ୍ଜି ଖର୍ଚ୍ଚ ପାଇଁ ରାଜ୍ୟଗୁଡିକୁ ସ୍ୱତନ୍ତ୍ର ସହାୟତା ପାଇଁ ଯୋଜନା
2020-21 ବର୍ଷରେ, ପୁଞ୍ଜି ବ୍ୟୟ ପାଇଁ ରାଜ୍ୟଗୁଡିକୁ ସ୍ୱତନ୍ତ୍ର ସହାୟତା ନେଇ କୋଭିଡ ମହାମାରୀ ଯୋଜନାରେ ରାଜସ୍ୱର ଅଭାବ ଯୋଗୁଁ ରାଜ୍ୟ ସରକାର ସମ୍ମୁଖୀନ ହେଉଥିବା ଆର୍ଥିକ ପରିସ୍ଥିତିକୁ ବିଚାରକୁ ନିଆଯାଇଛି ।ଏଥିରେ ସ୍ୱତନ୍ତ୍ର ସହାୟତା ଯୋଗାଇ ଦିଆଯାଉଛି ।
ଏହି ଯୋଜନାରେ 8 ପୂର୍ବୋତ୍ତର ରାଜ୍ୟ ପାଇଁ 1600 କୋଟି ଋଣ (ପ୍ରତ୍ୟେକ 200 କୋଟି), ଉତ୍ତରପ୍ରଦେଶ ଏବଂ ହିମାଚଳ ପ୍ରଦେଶ ପାଇଁ 900 କୋଟି ଋଣ (ପ୍ରତ୍ୟେକ 450 କୋଟି), ଅବଶିଷ୍ଟ ରାଜ୍ୟଗୁଡିକ ପାଇଁ 7,500 କୋଟି ରହିଛି।
