ବେଙ୍ଗାଲୁରୁ: କୋରୋନା ବିପଦକୁ ପରାସ୍ତ କରିବା ପାଇଁ ସ୍ବଚ୍ଛତା , ସାମାଜିକ ଦୂରତା ଅତ୍ୟଧିକ ଜରୁରୀ । ଏପରିସ୍ଥଳେ ବେଙ୍ଗାଲୁରୁ ମ୍ୟୁନିସିପାଲିଟି କର୍ପୋରେସନ୍ (ବିବିଏମପି) କହିଛି ଯେ ସହରରେ ଛେପ ପକାଇବା, ପରିସ୍ରା କରିବା, ଅପରିସ୍କାର କରିବା ଏବଂ ମାସ୍କ ନପିନ୍ଧିଲେ 1000 ଟଙ୍କା ଜୋରିମାନା ଦେବାକୁ ପଡିବ ।
ବିବିଏମପି କମିଶନର ବି.ଏଚ ଅନିଲ କୁମାର କହିଛନ୍ତି ଯେ ଯଦି କୌଣସି ବ୍ୟକ୍ତି, ଅନୁଷ୍ଠାନ, ସଂଗଠନ ଇତ୍ୟାଦି ଏହି ନିୟମ ଉଲ୍ଲଂଘନ କରନ୍ତି, ତେବେ ଏପିଡେମିକ୍ ରୋଗ ଅଧିନିୟମ, 1897 ଅଧୀନରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
ଯଦି କେହି ପୁନର୍ବାର ଉଲ୍ଲଂଘନ କରନ୍ତି, ତେବେ ବିବିଏମପି କୁ 2,000 ଟଙ୍କା ଜୋରିମାନା ଦେବାକୁ ପଡିବ |
ସେ କହିଛନ୍ତି ଯେ ସର୍ବସାଧାରଣ ସ୍ଥାନରେ କିମ୍ବା ଯେକୌଣସି କାର୍ଯ୍ୟକ୍ଷେତ୍ରରେ ଯେଉଁଠାରେ ପାଞ୍ଚରୁ ଅଧିକ ଲୋକ ଉପସ୍ଥିତ ଅଛନ୍ତି, ପାଟି ଏବଂ ନାକକୁ ଘୋଡାଇବା ପାଇଁ ମାସ୍କ ଲଗାଇବା ବାଧ୍ୟତାମୂଳକ ଅଟେ ।
ସେ ଆହୁରି ମଧ୍ୟ କହିଛନ୍ତି ଯେ ଛେପ ପକାଇବା, ପରିସ୍ରା କରିବା, ଅପରିସ୍କର କରିବା, ସର୍ବସାଧାରଣ ସ୍ଥାନରେ ମାସ୍କ ବ୍ୟବହାର ନକରିବା ଏକ ସାଧାରଣ ଅପରାଧ ବୋଲି ବିବେଚନା କରାଯିବ। ଶୁକ୍ରବାରଠାରୁ ପରବର୍ତ୍ତୀ ଆଦେଶ ପର୍ଯ୍ୟନ୍ତ ଏହି ନୂତନ ଆଦେଶ କାର୍ଯ୍ୟକାରୀ ହେବ।
@IANS
