ଗୁରଗାଓଁ: ସହିଦ୍ ସ୍ବାମୀଙ୍କ ଠାରୁ ବଳିଗଲେ ତାଙ୍କ ପତ୍ନୀ। ସ୍ବାମୀ ଦେଶ ପାଇଁ ଲଢି ସହିଦ୍ ହୋଇଗଲେ ସତ ହେଲେ ପତ୍ନୀ ମନରୁ ଏ ଯାଏଁ ମରିନି ଦେଶ ପ୍ରେମର ବହ୍ନି। ଘଟଣାଟି ହେଉଛି ହରିୟାଣାର। ଭାରତ କୋରୋନା ଯୁଦ୍ଧ ଲଢୁଥିବା ବେଳେ ଜଣେ ସହିଦଙ୍କ ପତ୍ନୀ ହରିୟାଣା ପୋଲିସକୁ ହଜାରେଟି ପିପିଇ ଯୋଗାଇଛନ୍ତି।
ପୋଲିସ କର୍ମୀ ମାନଙ୍କୁ ସଂକ୍ରମଣରୁ ଦୂରେଇ ରଖିବା ପାଇଁ ଏହା ସହାୟକ ହେବ ବୋଲି ସେ ଆଶା ପୋଷଣ କରିଛନ୍ତି। କେବଳ ସେତିକି ନୁହେଁ ସେ ମାସ୍କ, ଗ୍ଲୋବସ ଇତ୍ୟାଦି ପୋଲିସ ପ୍ରଦାନ କରି କୋରୋନା ସହ ଲଢିବାକୁ ସାହସ ଦେଇଛନ୍ତି।
ତେବେ ସହିଦ୍ ମେଜର ବିଭୂତି ସଙ୍କରଙ୍କ ପତ୍ନୀ କୌଲଙ୍କ ଏପରି ମହାନ କାର୍ଯ୍ୟ ପାଇଁ ହରିୟାଣା ମୁଖ୍ୟମନ୍ତ୍ରୀ ନିଜର କୃତଜ୍ଞତା ଜ୍ଞାପନ କରିଛନ୍ତି। ସେ ଟ୍ବିଟ କରି ଲେଖିଛନ୍ତି ଯେ,'' ସ୍ବାମୀ ଦେହ ପାଇଁ ଲଢି ଜୀବନ ଦେଇଥିବା ବେଳେ ପତ୍ନୀ ଦେଶ ପାଇଁ ଲଢୁଥିବା ପୋଲିସଙ୍କୁ ସୁରକ୍ଷା ପ୍ରଦାନ କରୁଛନ୍ତି।''
ସୂଚନା ଥାଉକି, ଜାମ୍ମୁ କାଶ୍ମୀରର ପୁଲୱାମା ଆକ୍ରମଣ ସମୟରେ ଆତଙ୍କବାଦୀଙ୍କ ସହ ମୁକାବିଲା କରିବା ସମୟରେ ମେଜର ବିଭୁତି ଧୁଣ୍ଡିଆଲ ଶହୀଦ ହୋଇଥିଲେ। ପୁଲୱାମା ଜିଲ୍ଲାର ଜେଏମ ଆତଙ୍କବାଦୀଙ୍କ ସହ ହୋଇଥିବା ଏନକାଉଣ୍ଟରରେ ପ୍ରାଣ ହରାଇଥିବା ଚାରିଜଣ ସେନାଙ୍କ ମଧ୍ୟରେ ଡେରାଡୁନ ନିବାସୀ ମେଜର ଧୋଣ୍ଡିଆଲ ମଧ୍ୟ ଥିଲେ।
