ମୁମ୍ବାଇ: ଚ୍ୟାଲେଞ୍ଜିଂଜର୍ଣ୍ଣି ପୂରା କରି 3 ବର୍ଷ ପରେ ଘରକୁ ଫେରିଛନ୍ତି ମହାରାଷ୍ଟ୍ରର ଏହି ବ୍ୟକ୍ତି। ତେବେ ଏତେ ବର୍ଷ ପରେ ତାଙ୍କୁ ଦେଖିବା ପରେ ପରିବାରରେ ଖୁସିର ଲହରୀ ଖେଳିଯାଇଛି । ମୁମ୍ବାଇର ବିଷ୍ଣୁଦାସ ଚାମକେ ନିଜର ସ୍ବପ୍ନ ପୂରଣ କରିବା ପାଇଁ 3 ବର୍ଷ ତଳେ ଘରୁ ବାହାରି ଯାଇଥିଲେ ବିଶ୍ବ ଭ୍ରମଣରେ ।
ବିଷ୍ଣୁ 3 ବର୍ଷ ଭିତରେ 34ଟି ଦେଶ ଏବଂ 4ଟି ମହାଦ୍ବୀପ ଭ୍ରମଣ କରିଛନ୍ତି । ବିଷ୍ଣୁଦାସଙ୍କ ପିତା ଜଣେ ଚାଷୀ। ଆର୍ଥିକ ଭାବେ ତାଙ୍କ ପରିବାର ସ୍ବଚ୍ଛଳ ନୁହେଁ। କିନ୍ତୁ ସେ ତାଙ୍କ ସ୍ବପ୍ନକୁ ସେ ପୂରା କରିବା ପାଇଁ ସ୍ଥିର କରିଥିଲେ। ଆଉ ଆର୍ଥିକ ଅକ୍ଷମତା ତାଙ୍କୁ ଅଟକାଇ ପାରିନଥିଲା।
କିଛି ଟଙ୍କା ଯୋଗାଡ କରିଥିଲେ ବିଷ୍ଣୁ । ହେଲେ ସେତିକି ଟଙ୍କା ଯଥେଷ୍ଟ ନଥିଲା । ତେଣୁ ଘର କିଣିବା ପାଇଁ ରଖିଥିବା ଟଙ୍କାରେ ସେ ଆରମ୍ଭ କରିଥିଲେ ତାଙ୍କର ଜର୍ଣ୍ଣି। ସବୁ ଦେଶରେ ସେ ଗଛ ଲଗାଇ ତାଙ୍କର ଛାପ ଛାଡିଆସିଛନ୍ତି । ଏହି ଜର୍ଣ୍ଣିରେ ଅନେକ ବାଧା ବିଘ୍ନ ଦେଖାଦେଇଛି ସତ ହେଲେ ସବୁ ବାଧାକୁ ସାମନା କରି ଆଗକୁ ଯାଇଛନ୍ତି ଏବଂ ତାଙ୍କ ସ୍ବପ୍ନ ପୂରଣ କରିଥିବା ସେ କହିଛନ୍ତି ।
