ମୁମ୍ବାଇ: ବର୍ତ୍ତମାନ ସମାଜରେ ଦୁଷ୍କର୍ମ ଏକ ଦୂରାରୋଗ୍ୟ ବ୍ୟାଧି ଭଳି ମାଡି ଗଲାଣି । ରାସ୍ତାଘାଟ, ହାଟବଜାର, ସର୍ବସାଧାରଣ ସ୍ଥାନ କେଉଁଠି ମଧ୍ୟ ସୁରକ୍ଷିତ ନୁହଁନ୍ତି ମହିଳା। ସେମାନଙ୍କୁ ଛାଡି ପଶୁପକ୍ଷୀ ମଧ୍ୟ ଅସୁରକ୍ଷିତ ହୋଇ ପଡିଲେଣୀ । ମଣିଷର ପାଶବିକ ଅତ୍ୟାଚାରର ଶିକାର ହେଉଛନ୍ତି ଅନେକ ପ୍ରାଣୀ । ଯାହାର ସଦ୍ୟତମ ଉଦାହରଣ ଦେଖିବାକୁ ମିଳିଛି ମୁମ୍ବାଇର ଖାରଗଡରେ ।
ଏକ ବୁଲା କୁକୁରକୁ ଦୁଷ୍କର୍ମ ଅଭିଯୋଗରେ ନଭି ମୁମ୍ବାଇ ପୋଲିସ ଜଣଙ୍କୁ ଗିରଫ କରିଛି । ଅଭିଯୁକ୍ତ ନାଁରେ ବୁଲା କୁକୁରକୁ ଦୁଷ୍କର୍ମ ଭଳି ସଙ୍ଗୀନ ଅଭିଯୋଗ ଥିଲା । ଏନେଇ ପିପୁଲ ଫର୍ ଦି ଇଥିକାଲ ଟ୍ରିଟମେଣ୍ଟ ଅଫ୍ ଆନିମଲସ୍( ପେଟା) ପକ୍ଷରୁ ନଭି ମୁମ୍ବାଇରେ ଏକ ଅଭିଯୋଗ ହୋଇଥିଲା । ଆଇପିସିର ଧାରା 377 ଅନୁସାରେ ମାମଲା ରୁଜ୍ଜୁ କରି ଅଭିଯୁକ୍ତକୁ ଗିରଫ କରିଛି ପୋଲିସ । ତାକୁ 10 ବର୍ଷ ଜେଲ ଦଣ୍ଡାଦେଶ ଭୋଗିବାକୁ ପଡିପାରେ ।
