ନୂଆଦିଲ୍ଲୀ: ସମସ୍ତ ପ୍ରତୀକ୍ଷାର ଅନ୍ତ ଘଟାଇ ପ୍ରକାଶ ପାଇଛି ମହାରାଷ୍ଟ୍ର ବିଧାନସଭା ନିର୍ବାଚନ ଫଳାଫଳ । ନିର୍ବାଚନର ଫଳାଫଳକୁ ନେଇ ବେଶ ଉତ୍କଣ୍ଠା ଲାଗି ରହିଥିବା ବେଳେ ସମସ୍ତ କଳ୍ପନା ଜଳ୍ପନାର ଅନ୍ତ ଘଟାଇ ବାଜିମାତ କରିଛି ବିଜେପି-ଶିବସେନା ।
ରାଜ୍ୟର 288ଟି ବିଧାନସଭା ଆସନରୁ 105ଟି ଆସନ ହାତେଇ ସର୍ବାଗ୍ରେ ରହିଛି ବିଜେପି । ପରେ ପରେ 56ଟି ଆସନ ସହ ଦ୍ବିତୀୟ ସ୍ଥାନରେ ରହିଛି ଶିବସେନା । 2014 ନିର୍ବାଚନ ପରେ 2019ରେ ମଧ୍ୟ ବିଜେପି ଓ ଶିବସେନା ମିଳିତ ଭାବେ ଏହି ସଫଳତା ହାତେଇଥିବାରୁ ଖୁସି ବ୍ୟକ୍ତ କରି ସମସ୍ତ କର୍ମୀ ଓ ଭୋଟରଙ୍କୁ ଧନ୍ୟବାଦ ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ସେହିପରି ଏନସିପି 54ଟି ଆସନ ସହ ତୃତୀୟ ସ୍ଥାନରେ ରହିଛି । ଏଥିସହ ଭାରତୀୟ ଜାତୀୟ କଂଗ୍ରେସ 44 ଆସନ, ସ୍ବାଧୀନ ଦଳ 13 ଆସନ ଓ ଅନ୍ୟାନ୍ୟ ଦଳକୁ 16 ଆସନ ମିଳିଛି ।
