ମୁମ୍ବାଇ: ରବିବାର ଦିନ ମହାରାଷ୍ଟ୍ରରେ 221 ଟି କୋରୋନା ସଂକ୍ରମଣ ପରେ ସଂକ୍ରମିତ ଲୋକଙ୍କ ସଂଖ୍ୟା 1,982 କୁ ବୃଦ୍ଧି ପାଇଛି । ସ୍ବାସ୍ଥ୍ୟ ବିଭାଗର ଅଧିକାରୀ ସୂଚନା ଦେଇଛନ୍ତି ରବିବାର ଦିନ ରାଜ୍ୟରେ 22 ସଂକ୍ରମିତ ଲୋକଙ୍କର ମୃତ୍ୟୁ ଘଟିଛି, ଏହା ପରେ ମୃତକଙ୍କ ସଂଖ୍ୟା 149 କୁ ବୃଦ୍ଧି ପାଇଛି । ମହାରାଷ୍ଟ୍ର ବ୍ୟତୀତ ଦିଲ୍ଲୀ, ତାମିଲନାଡୁ ଏବଂ ରାଜସ୍ଥାନ କୋରୋନା ଦ୍ବାରା ଅଧିକ ପ୍ରଭାବିତ ହୋଇଛି ।
ମୁମ୍ବାଇରେ ସର୍ବାଧିକ 16 ଜଣଙ୍କର ମୃତ୍ୟୁ ହୋଇଥିଲା । ଏଥିସହ ପୁଣେରେ ତିନିଜଣ, ନଭି ମୁମ୍ବାଇରେ ଦୁଇଜଣ ଏବଂ ସୋଲାପୁରରେ ଜଣେ ରୋଗୀ ମୃତ୍ୟୁ ବରଣ କରିଛନ୍ତି । ମୃତକଙ୍କ ମଧ୍ୟରେ ନଅ ଜଣ ମହିଳା ରହିଛନ୍ତି । ମୋଟ 22 ମୃତଙ୍କ ମଧ୍ୟରୁ 15 ଜଣଙ୍କର ବୟସ 40 ରୁ 60 ମଧ୍ୟରେ ହୋଇଥିବାବେଳେ 6 ଜଣ 60 ରୁ ଅଧିକ ଥିଲେ ।
କେନ୍ଦ୍ର ସ୍ବାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ଦ୍ବାରା ପ୍ରକାଶିତ ତଥ୍ୟ ଅନୁଯାୟୀ, ଗତ 24 ଘଣ୍ଟା ମଧ୍ୟରେ ସମଗ୍ର ଦେଶରୁ 308 ଟି ନୂଆ ପଜେଟିଭ ଆସିଛି । ଏଥି ସହିତ ଦେଶରେ 35 ଜଣଙ୍କ ସଂକ୍ରମଣ ମୃତ୍ୟୁ ହୋଇଛି । ଭାରତରେ ସଂକ୍ରମିତଙ୍କ ସଂଖ୍ୟା 9152 କୁ ବୃଦ୍ଧି ପାଇଛି ଏବଂ ମୃତ୍ୟୁ ସଂଖ୍ୟା 308 କୁ ବୃଦ୍ଧି ପାଇଛି । ମୋଟ ସଂକ୍ରମିତ ମଧ୍ୟରୁ 7987 ଜଣଙ୍କ ଚିକିତ୍ସା ଚାଲିଛି ଏବଂ 854 ଜଣଙ୍କୁ ଡାକ୍ତରଖାନାରୁ ଡିସଚାର୍ଜ ହୋଇଛନ୍ତି ।
