ଭୋପାଳ: ମଧ୍ୟପ୍ରଦେଶରେ ଘୁଞ୍ଚି ଘୁ଼ଞ୍ଚି ଯାଉଛି ‘ପଦ୍ମ’ । କ୍ଷମତାରୁ କମଲନାଥଙ୍କୁ ହଟାଇ ରାଜ୍ୟରେ ‘କମଲ’ ଖେଳାଇବାର ଚେଷ୍ଟା ମାର୍ଚ୍ଚ 26 ପର୍ଯ୍ୟନ୍ତ ଘୁଞ୍ଚିଯାଇଛି ।
ବିଗତ କିଛି ସପ୍ତାହ ଧରି ଲାଗି ରହିଥିବା ମହାଡ୍ରାମାର ଅନ୍ତ ଆଜି ହେବ ବୋଲି ଆଶା କରାଯାଉଥିବାବେଳେ ଏହା 26 ତାରିଖ ଯାଏଁ ଅନିଶ୍ଚିନ୍ତତା ଭିତରେ ରହିଛି । କ୍ଷମତାରେ ଥିବା କମଲନାଥ ସରକାରଙ୍କ କମର କସିବା ଲାଗି ଆଜି ବିଧାନସଭାରେ ଫ୍ଲୋରଟେଷ୍ଟ (ବହୁମତ ପରୀକ୍ଷା) ହେବାର ଥିଲା । ଅନ୍ୟପଟେ ଏହାକୁ ନେଇ ସୁପ୍ରିମକୋର୍ଟ ଯାଇଛି ବିଜେପି ।
ତେବେ ଆଜି ବିଧାନସଭାରେ ହୋହଲ୍ଲା କାରଣ ସହ କୋରୋନା ଲାଗି ବାଚସ୍ପତି ମାର୍ଚ୍ଚ 26 ତାରିଖ ପର୍ଯ୍ୟନ୍ତ ବିଧାନସଭାକୁ ମୁଲତବୀ ଘୋଷଣା କରିଛନ୍ତି । ସୋମବାର କମଲନାଥ ସରକାରଙ୍କୁ ବିଧାନସଭାରେ ବହୁମତ ସାବ୍ୟସ୍ତ କରିବାକୁ ରାଜ୍ୟପାଳ କହିଥିଲେ ।
ସୂଚନାଥାଉକି, କଂଗ୍ରେସର 22 ଜଣ ବିଧାୟକ ଇସ୍ତଫା ଦେଇଛନ୍ତି । ଫଳରେ ସରକାର ଏଠାରେ ସଂଖ୍ୟାଗରିଷ୍ଠତା ହରାଇଥିବା ଦାବି କରି ବହୁମତ ପରୀକ୍ଷା ଦାବି କରିଥିଲା ବିଜେପି ।
