ଲକ୍ଷ୍ନୌ: ଇନ୍ଦିରାନଗର ମାୟାବତୀ କଲୋନୀ ନିକଟ ରାମ ବିହାରରେ ଭୟାବହ ଅଗ୍ନିକାଣ୍ଡ । ଜଣେ ବ୍ୟକ୍ତିଙ୍କ ଘରେ ନିର୍ମିତ ହୋଇଥିବା ଗ୍ୟାସ ଗୋଦାମରେ ନିଆଁ ଲାଗିବା ଫଳରେ ଜଣେ ଶିଶୁ ସହିତ 5 ଜଣଙ୍କର ମୃତ୍ୟୁ ହୋଇଛି । ଘଟଣାସ୍ଥଳରେ 15ଟି ଦମକଳ ଗାଡି ପହଞ୍ଚି ବହୁ ସମୟ ପରେ ନିଆଁକୁ କାବୁ କରିଥିଲେ ।
ଗୋଦାମରେ ସର୍ଟସର୍କିଟ ଯୋଗୁଁ ନିଆଁ ଲାଗିଥିବା କୁହାଯାଉଛି । ଘଟଣାରେ ସମସ୍ତଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିଲା । ତେବେ ନିଆଁ ଲାଗିବା ଯୋଗୁଁ ଶ୍ବାସରୁଦ୍ଧ ହୋଇ ସମସ୍ତଙ୍କର ମୃତ୍ୟୁ ହୋଇଥିବା ଡାକ୍ତର କହିଛନ୍ତି । ତେବେ ମଙ୍ଗଳବାର ବିଳମ୍ବିତ ରାତିରେ ଏସିରେ ସର୍ଟସର୍କିଟ ଯୋଗୁଁ ନିଆଁ ଲାଗିଥିଲା । ପରେ ଏହି ନିଆଁ ଚାହୁଁଚାହୁଁ ପୁରା ଘରକୁ ଗ୍ରାସି ଯାଇଥିଲା ।
ଘଟଣାର ଖବର ପଡୋଶୀ ପୋଲିସ ଓ ଦମକଳ ବିଭାଗକୁ ଦେଇଥିଲେ । ଯେତବେଳେ ପର୍ଯ୍ୟନ୍ତ ଦମକଳ ବାହିନୀ ଘଟଣାସ୍ଥଳରେ ପହଞ୍ଚିଥିଲା ସେତେବେଳକୁ ନିଆଁ ଭୀଷଣ ରୂପ ଧାରଣ କରି ଅଧାରୁ ଅଧିକାଂଶ ପୋଡିଯାଇଥିଲା । ବହୁ କସରତ ପରେ ନିଆଁକୁ ଆୟତ୍ତ କରିଥିଲା ଦମକଳ ବିଭାଗ ।
