ରୋମ: ମହାକାଶରେ ଡିଜେ ଡ୍ୟାନ୍ସ କଲେ ଇଟାଲିର ମହାକାଶ ଯାତ୍ରୀ ଲୁକା ପରମିଟାନୋ । ଡିଜେ ଗୀତରେ ଡ୍ୟାନ୍ସ ପରିବେଷଣ କରିଛନ୍ତି ଲୁକା । ତେବେ ଏଭଳି କରି ସେ ମହାକାଶରେ ଡ୍ୟାନ୍ସ କରୁଥିବା ପ୍ରଥମ ମହାକାଶ ଯାତ୍ରୀ ଭାବେ ଖ୍ୟାତି ଅର୍ଜନ କରିଛନ୍ତି । ଲୁକାଙ୍କ ଏହି ଭିଡିଓଟି ଏବେ ଦେଶ ବିଦେଶର ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି ।
ଭିଡିଓ ସୌଜନ୍ୟ:ଟ୍ବିଟର@RT_com
ଲୁକା ଏକ ଟ୍ୟାବଲେଟ ଡିଭାଇସ ଜରିଆରେ ନିଜ ଡ୍ୟାନ୍ସର ଲାଇଭ ଭିଡିଓ ମଧ୍ୟ କରିଛନ୍ତି । ଡ୍ୟାନ୍ସ ସମୟରେ ସେ ନିଜ ଡିଭାଇସରେ ଗୀତ ପରିବର୍ତ୍ତନ କରୁଥିବା ନଜର ଆସିଛନ୍ତି। ତେବେ ଏହି ସମୟରେ ଲୁକାଙ୍କ ଶରୀର କେତେବେଳେ ସିଧା ରହୁଥିଲା ତ ଆଉ କେତେବେଳେ ଓଲଟା । ଡ୍ୟାନ୍ସ ସମୟରେ ସେ ଏକ ସନ୍ଦେଶ ମଧ୍ୟ ଦେଇଛନ୍ତି । ସେ କହିଛନ୍ତି, ସଙ୍ଗୀତ ଏକ ସର୍ବଭୌମିକ ଭାଷା ଅଟେ । ମୁଁ ଡିଜେ ନୁହଁ । କିନ୍ତୁ ଏଭଳି କରିବାକୁ ଚେଷ୍ଟା କରୁଛି ।
ତେବେ ସେହି ଗୀତରେ ତାଙ୍କ ସହ ତାଳରେ ତାଳ ମିଶାଇ ଇଟାଲିର ଅନେକ ଲୋକ ମଧ୍ୟ ଡ୍ୟାନ୍ସ କରୁଥିବା ନଜର ଆସିଛନ୍ତି ।
