ଡେରାଡୁନ: ନୈନିତାଲ ରୁ ହଲଦ୍ବାନୀକୁ ସଂଯୋଗ କରୁଥିବା ରାଜରାସ୍ତାରେ ବାଘ । ଖୋଲାଖୋଲି ଭାବେ ବୁଲୁଥିବା ଏହି ବାଘକୁ ଦେଖି ସ୍ଥାନୀୟ ଅଞ୍ଚଳରେ ବେଶ ଭୟର ବାତାବରଣ ଦେଖା ଦେଇଛି । ତେବେ ରାସ୍ତାରେ ଯିବା ଆସିବା କରୁଥିବା ଲୋକମାନେ କିନ୍ତୁ ଉକ୍ତ ବାଘର ଭିଡ଼ିଓ ସୁଟ କରି ସୋସିଆଲ ମିଡ଼ିଆରେ ଭାଇରାଲ କରିଛନ୍ତି ।
ମିଳିଥିବା ସୂଚନା ମୁତାବକ ହଲଦ୍ବାନୀର ବାସିନ୍ଦା ବିଶାଲ ବର୍ମା ବିଳମ୍ବିତ ସନ୍ଧ୍ୟାରେ ନୈନିତାଲ ଅଭିମୁଖେ ଯାଉଥିଲେ । ଏହି ସମୟରେ ସେ ରାସ୍ତା କଡ଼ରେ ଏକ ବାଘ ବୁଲୁଥିବା ଦେଖିଥିଲେ । ତେବେ ଗାଡ଼ି ଆଲୁଅରେ ଉକ୍ତ ବାଘଟି ରାସ୍ତା କଡ଼କୁ ଯାଉଥିବା ସମୟରେ ତାହାର ଭିଡ଼ିଓ କରିଥିଲେ ବିଶାଲ । ତାହାକୁ ସେ ସୋସିଆଲ ମିଡ଼ିଆରେ ଭାଇରାଲ କରିଥିଲେ ।
ତେବେ ଉକ୍ତ ଅଞ୍ଚଳରେ ଅଧିକାଂଶ ସମୟରେ ବାଘ ଦେଖାଯାଉଥିବା ନେଇ ସ୍ଥାନୀୟ ବାସିନ୍ଦା ପ୍ରକାଶ କରିଛନ୍ତି । ବାରମ୍ବାର ବାଘ ରାସ୍ତା ଓ ନିକଟସ୍ଥ ଅଞ୍ଚଳରେ ବୁଲାବୁଲି କରୁଥିବାରୁ ନିକଟସ୍ଥ ଗ୍ରାମଗୁଡିକରେ ବେଶ ଭୟର ବାତାବରଣ ଲାଗି ରହିଛି ବୋଲି ସ୍ଥାନୀୟ ବାସିନ୍ଦା ପ୍ରକାଶ କରିଛନ୍ତି ।
