ମୁମ୍ବାଇ: ଆତଙ୍କିତ ଅବସ୍ଥାରେ ସମଗ୍ର ବିଶ୍ବ । ଦେଶରେ ମଧ୍ୟ ଦିନକୁ ଦିନ କୋରୋନା ସ୍ଥିତି ଗମ୍ଭୀର ହେବାରେ ଲାଗିଛି । ଆଉ ଏପରି ଏକ ସମୟରେ ଭାରତକୁ ସହାୟତାର ହାତ ବଢାଇଛନ୍ତି ଅନେକ ମାନଗନ୍ୟ ବ୍ୟକ୍ତି ବିଶେଷ ।
ନିକଟରେ Covid19 ସହିତ ଲଢିବା ପାଇଁ ବଲିଉଡର ଲୋକପ୍ରିୟ କଳକାର ଶାହରୁଖ ଖାନଙ୍କ ଆଇପିଏଲ ଟିମ କୋଲକାତା ନାଇଟ୍ ରାଇଡର୍ସ (କେକେଆର୍) ଏବଂ ରେଡ୍ ଚିଲିସ୍ ଏଣ୍ଟରଟେନମେଣ୍ଟ PM -CARES ଫଣ୍ଡକୁ ଏବଂ ମହାରାଷ୍ଟ୍ର ସିଏମ୍ ରିଲିଫ୍ ପାଣ୍ଠିକୁ ସହଯୋଗର ହାତ ବଢାଇଛନ୍ତି । ପଶ୍ଚିମବଙ୍ଗ ଏବଂ ମହାରାଷ୍ଟ୍ରରେ 50,000 ପିପିଇ କିଟ୍ ଯୋଗାଇ ଦେବାକୁ ନିଷ୍ପତ୍ତି ନେଇଛନ୍ତି କେକେଆର ଏବଂ ମିର୍ ଫାଉଣ୍ଡେସନ୍ ।
ସୂଚନାଯୋଗ୍ୟ ଯେ, ଭାରତରେ କୋରୋନା ପାଇଁ ପରିସ୍ଥିତ ଜଟିଳ ହେଉଥିବା ବେଳେ ଅନେକ ବଲିଉଡ ଷ୍ଟାର ଏବଂ ଦେଶର ଟପ୍ ବିଜେନସ ମ୍ୟାନ ଏହି ସମୟରେ PM -CARES ଫଣ୍ଡକୁ ନିଜର ଯଥାସମ୍ଭବ ସହାୟତା ପ୍ରଦାନ କରୁଛନ୍ତି ।
ସୌଜନ୍ୟ@ANI
