ଲକ୍ଷ୍ନୌ: ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଭେଟିବା ପରେ ପ୍ରତିକ୍ରିୟା ରଖିଛନ୍ତି କମଲେଶ ତିୱାରୀଙ୍କ ପତ୍ନୀ କିରନ ତିୱାରୀ । ଆଜି ପରିବାର ସଦସ୍ୟ ମୁଖ୍ୟମନ୍ତ୍ରୀଙ୍କ ବାସଭବନ ଯାଇ ସାକ୍ଷାତ କରିଛନ୍ତି । ହତ୍ୟାକାଣ୍ଡ ଘଟାଇଥିବା ଅଭିଯୁକ୍ତ ମାନଙ୍କୁ ମୃତ୍ୟୁ ଦଣ୍ଡ ଦେବା ସହ ଉଚିତ ନ୍ୟାୟ ଭିକ୍ଷା କରିଥିବା କହିଛନ୍ତି କମଲେଶଙ୍କ ପତ୍ନୀ ।
କମଲେଶ ତିୱାରୀଙ୍କ ହତ୍ୟାକାରୀଙ୍କୁ ଆଇନ ଆନୁଯାୟୀ କଠୋର ଦଣ୍ଡ ଦିଆଯିବ । ଏଥିସହିତ ପରିବାରକୁ ଉଚିତ ନ୍ୟାୟ ମିଳିବ ବୋଲି ଆଶ୍ବାସନା ଦେଇଛନ୍ତି ଯୋଗୀ ଆଦିତ୍ୟନାଥ ।
ଆଜି କମଲେଶଙ୍କ ପରିବାର ମୁଖ୍ୟମନ୍ତ୍ରୀଙ୍କ ବାସଭବନ ଯାଇ ଯୋଗୀ ଆଦିତ୍ୟନାଥଙ୍କୁ ସାକ୍ଷାତ କରିଥିଲେ । ପୂର୍ବରୁ ଉପମୁଖ୍ୟମନ୍ତ୍ରୀ ଦିନେଶ ଶର୍ମା ମଧ୍ୟ କମଲେଶଙ୍କ ପରିବାରକୁ ଭେଟି ସାନ୍ତ୍ବନା ଦେଇଥିଲେ ।
