ବେଙ୍ଗାଲୁରୁ: କର୍ଣ୍ଣାଟକ ଅବକାରୀ ବିଭାଗ ସୋମବାର ସାରା ରାଜ୍ୟରେ ମଦ ବିକ୍ରିରୁ 45 କୋଟି ଟଙ୍କା ଆୟ ହୋଇଥିବା ଘୋଷଣା କରିଛି । ମେ 4ତାରିଖରୁ ଭାରତରେ କମ ବିପଦପୂର୍ଣ୍ଣ ଜୋନରେ ସ୍ୱତନ୍ତ୍ର ମଦ ଦୋକାନ ଖୋଲିବାକୁ କେନ୍ଦ୍ର ସରକାର ଅନୁମତି ଦେଇଥିଲେ ।
କେନ୍ଦ୍ର ସରକାରଙ୍କ ଅନୁମତି ପରେ ମଧ୍ୟ ମଦ ଦୋକାନ ଖୋଲିବା ନେଇ ରାଜ୍ୟ ସରକାର ଅନେକ ଆଲୋଚନା କରିଥିଲେ । ଦେଶରେ ଆର୍ଥିକ ଅବସ୍ଥା ପୂର୍ବପେକ୍ଷା ମାନ୍ଦା ଚାଲୁଥିଲା । ରାଜ୍ୟରେ ରାଜସ୍ୱ ବୃଦ୍ଧି କରିବା ପାଇଁ ବିଏସୱାଇ ଏବଂ କୋ ଦ୍ୱାରା ମଦ ଦୋକାନ ଖୋଲିବା ଏକମାତ୍ର ବାଟ ଥିଲା ।
ସୋମବାର ସକାଳେ ମଦ ଦୋକାନଗୁଡ଼ିକ ସଟର ଖୋଲିବା ପୂର୍ବରୁ କେତେ ଆୟ ହେବ ବୋଲି ଚିନ୍ତା ଥିଲା । ତେବେ ସକାଳୁ ସଟର ବନ୍ଦ ହେବା ପର୍ଯ୍ୟନ୍ତ କର୍ଣ୍ଣାଟକ ଅବକାରୀ ବିଭାଗ 45 କୋଟି ଟଙ୍କା ଆୟ ହୋଇଥିବା ନେଇ ଘୋଷଣା କରିଛି । ପ୍ରାୟ 3.9 ଲକ୍ଷ ଲିଟର ବିୟର ବିକ୍ରି ହୋଇଥିଲା ଏବଂ ଦିନରେ 8.5 ଲକ୍ଷ ଲିଟର ବିଦେଶୀ ମଦ ବିକ୍ରି ହୋଇଥିଲା।
