ବେଙ୍ଗାଲୁରୁ: ଅଣାୟତ୍ତ ହେବାରେ ଲାଗିଛି କର୍ଣ୍ଣାଟକର ରାଜନୈତିକ ସଙ୍କଟ । 16 ବିଧାୟକଙ୍କ ଇସ୍ତଫା ପରେ ରାଜ୍ୟ ରାଜନୀତିରେ ହଇଚଇ ସୃଷ୍ଟି ହୋଇଛି । ତେବେ ପରିସ୍ଥିତିକୁ ଆଖିରେ ରଖି କର୍ଣ୍ଣାଟକ ବିଧାନସଭାରେ ଧାରା 144 ଲାଗୁ କରାଯିବ । ଏହା ଜୁଲାଇ 11 ରୁ ଲାଗୁ ହୋଇ 14 ପର୍ଯ୍ୟନ୍ତ ବଳବତ୍ତର ରହିବ ବୋଲି ଜଣା ପଡିଛି । ତେବେ ଏହି ସମୟରେ ବିଧାନସଭାରେ 4 ଜଣରୁ ଅଧିକ ବିଧାୟକ କିମ୍ବା ମନ୍ତ୍ରୀ ଏକାଠି ରହିପାରିବେ ନାହିଁ ।
ଏହା ପୂର୍ବରୁ କଂଗ୍ରେସ ନେତା ବିଧାନସଭାରେ ଟଣା ଓଟରା ହୋଇଥିଲେ । ପରିସ୍ଥିତି ଅଣାୟତ ହେବା ପରେ ବେଙ୍ଗାଲୁରୁ ପୋଲିସ କମିଶନର ଆଲୋକ କୁମାର ବିଧାନସଭାରେ ପହଞ୍ଚି ସ୍ଥିତି ସମ୍ଭାଳିଥିଲେ ।
