ମୁମ୍ବାଇ: କାନପୁର ଗୁଳିକାଣ୍ଡରେ ଗ୍ୟାଙ୍ଗଷ୍ଟାର ବିକାଶ ଦୁବେର ଜଣେ ସହଯୋଗୀକୁ ଗିରଫ କରିଛି ମହାରାଷ୍ଟ୍ର ଏଟିଏସ । ଗିରଫ ଦୁଇ ଅଭିଯୁକ୍ତ ଗୁଡନ ତ୍ରିବେଦୀ ବୋଲି ଜଣାପଡିଛି । ଏହାସହ ଗୁଡୁନର ଡ୍ରାଇଭର ସୋନୁ ତିଓ୍ବାରୀକୁ ମଧ୍ୟ ଗିରଫ କରାଯାଇଛି । ଗୁଡନ ତ୍ରିବେଦୀ ଘଟଣା ଦିନ ସେଠାରେ ଉପସ୍ଥିତ ଥିଲା । ଏଟିଏସ ଦ୍ବାରା ଧରାପଡିଥିବା ଗୁଡୁନ କାନପୁର ହତ୍ୟାକାଣ୍ଡ ପରେ ନିଜ ଫୋନକୁ ଗାଁ ପାଖ ଦୋକାନରେ ଛାଡି ଫେରାର ହୋଇଯାଇଥିଲା ।
ଗୁନ ନିଜ ଡ୍ରାଇଭର ସୋନୁ ତିଓ୍ବାରୀ ସହ ଦତିୟା ଯାଏଁ କାରରେ ଆସି ସେଠାରୁ ପୁଣି ଏକ ଟ୍ରକ ସାହାଯ୍ୟରେ ନାସିକ ଓ ପରେ ଦ୍ବିତୀୟ ଟ୍ରକରେ ପୁଣେ ଦେଇ ଥାନେ ପହଞ୍ଚିଥିଲା । ସେ ଥାନେରେ ହିଁ ନିଜର ଜଣେ ସମ୍ପର୍କୀୟର ଘରେ ଲୁଚି ରହି ଟିଭି ମାଧ୍ୟରେ ପୋଲିସର କାର୍ଯ୍ୟାନୁଷ୍ଠାନ ଖବର ନେଉଥିଲା ।
କାନପୁର ଏନକାଉଣ୍ଟର ମାମାଲାରେ ଫେରାର ଅଭିଯୁକ୍ତଙ୍କ ମଧ୍ୟରୁ ଜଣେ ମୁମ୍ବାଇରେ ଥିବାନେଇ ଶନିବାର ଏଟିଏସର ଜୁହୁ ୟୁନିଟ ଖବର ପାଇଥିଲା । ଏହାପରେ ଥାନେ ଓ ଏହାର ଆଖପାଖ ଅଞ୍ଚଳରେ ଛାନଭିନ କରାଯାଇ ଉଭୟ ଗୁଡନ ତ୍ରିବେଦୀ ଓ ତାର ଡ୍ରାଇଭରକୁ ଗିରଫ କରିଛି ଏଟିଏସ ।
